နိုဝင်ဘာ ၉ ။ ။ ဗီယက်နမ်နိုင်ငံ ဒါနန်းမြို့မှာ ကျင်းပမယ့် အာဆီယံနိုင်ငံခေါင်းဆောင်များနှင့် အာရှ-ပစိဖိတ် စီးပွားရေးပူးပေါင်းဆောင်ရွက်မှု (အေပက်) အဖွဲ့ဝင်နိုင်ငံခေါင်းဆောင်များ၏ သီးသန့်တွေ့ဆုံဆွေးနွေးပွဲသို့ တက်ရောက်ရန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နိုဝင်ဘာ ၉ ရက်က ဒါနန်းမြို့ကို ရောက်ရှိလာပါတယ်။
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အဖွဲ့ဝင်များကို လေဆိပ်မှာ ဗီယက်နမ်တာဝန်ရှိသူများက ကြိုဆိုခဲ့ကြတယ်လို့ သိရပါတယ်။
ယခု ဗီယက်နမ်မှာ ကျင်းပမယ့် အေပက်အစည်းအဝေးအပြင် နိုင်ငံတော်၏ အတိုင်ပင်ခံပုဂ္ဂိုလ်အနေဖြင့် ဖိလစ်ပိုင်နိုင်ငံ မနီလာမြို့တွင် ကျင်းပမည့် ၃၁ ကြိမ်မြောက် အာဆီယံထိပ်သီးအစည်းအဝေးနှင့် ဆက်စပ်အစည်းအဝေးများကိုပါ တက်ရောက်သွားမည်ဖြစ်သည်။