နိုဝင်ဘာ ၅၊ ပြင်သစ် ။ ။ ပီအက်စ်ဂျီအသင်းက အန်ဂါးစ်အသင်းကို ၀-၅ ဂိုးဖြင့် အနိုင်ရခဲ့သည့်ပွဲတွင် ပီအက်စ်ဂျီတိုက်စစ်မှူးကာဗာနီသည် အနိုင်ဂိုး ၂ ဂိုးသွင်းယူပေးနိုင်ခဲ့သည့်အတွက် ဥရောပထိပ်တန်းလိဂ် ၂ ခုတွင် ဂိုး ၁၀၀ သွင်းယူနိုင်သည့် တတိယမြောက် ကစားသမား ဖြစ်လာခဲ့သည်။
ပီအက်စ်ဂျီတိုက်စစ်မှူးဟောင်း အီဗရာဟီမိုဗစ်နှင့် ဂျူဗင်တပ်စ်တိုက်စစ်မှူး ဟီဂူအင်တို့၏နောက် ကာဗာနီမှာ ဥရောပထိပ်တန်းလိဂ် ၂ ခုတွင် ဂိုး ၁၀၀ သွင်းယူနိုင်သည့် တတိယမြောက် ကစားသမား ဖြစ်သည်။ အီဗရာဟီမိုဗစ်မှာ ကာဗာနီကဲ့သို့ပင် စီးရီးအေနှင့်ပြင်သစ်လိဂ်တို့တွင် ဂိုး ၁၀၀ ပြည့်သွင်းယူနိုင်ခဲ့ခြင်းဖြစ်ပြီး ဟီဂူအင်မှာ လာလီဂါနှင့်စီးရီးအေတွင် သွင်းယူနိုင်ခဲ့ခြင်းဖြစ်သည်။
အန်ဂါးစ်နှင့်ပွဲစဉ်တွင် ကာဗာနီသွင်းယူခဲ့သော ဂိုး ၂ ဂိုးမှာ သူ၏ပီအက်စ်ဂျီအသင်းကစားသမားဘဝ ပြင်သစ်လိဂ်သွင်းဂိုး ဂိုး ၁၀၀ နှင့် ၁၀၁ ဂိုးမြောက်သွင်းဂိုးများ ဖြစ်သည်။
ကာဗာနီသည် ပြင်သစ်လိဂ်တွင် ၁၀၁ ဂိုး၊ စီးရီးအေတွင် ၁၁၂ ဂိုး(ပါလာမိုတွင် ၃၄ ဂိုး၊ နာပိုလီတွင် ရ၈ ဂိုး)သွင်းယူနိုင်ခဲ့ခြင်း ဖြစ်သည်။ ကာဗာနီမှာ အီဗရာဟီမိုဗစ်၏ ပြင်သစ်လိဂ်သွင်းဂိုးစံချိန်ကိုလိုက်မီရန် ၁၀ ဂိုးသာ လိုအပ်တော့သည်။
ရည်ညွှန်း မာကာ
