ပုသိမ်၊ သြဂုတ် ၁၇ ။ ။ ပုသိမ်မြို့၊မြို့မဈေးတွင် သြဂုတ် ၁၇ရက်၊ နံနက် ၁၀နာရီကျော်၌ ဘုန်းကြီးတစ်ပါးက အောင်သာကျေးရွာနေ အမျိုးသမီးတစ်ဦးကို ဓါးဖြင့်ထိုးသတ်မှုဖြစ်ပွားခဲ့ကြောင်း ပုသိမ်မြို့၊ နယ်မြေရဲစခန်းက သိရသည်။
ဖြစ်စဉ်မှာ ပုသိမ်၊မြို့မဈေးအတွင်းဈေးဝယ်နေသူ အောင်သာကျေးရွာနေ အမျိုးသမီးတစ်ဦးအား ဘုန်းကြီးတစ်ပါးက ဓားဖြင့်ထိုးခဲ့ပြီးနောက် ၎င်း၏ လည်ပင်းကိုလည်း ဓါးဖြင့်ပြန်လှီးခဲ့ပြီး အမျိုးသမီး မှာနေရာတွင်သေဆုံးခဲ့ကာ အဆိုပါ ဘုန်းကြီးကို ဆေးရုံတင်ထားခဲ့သည်။
အဆိုပါ ဖြစ်စဉ်နှင့် ဆက်စပ်ပြီး အောင်သာကျေးရွာနေသူတဦးက ‘ ဘုန်းကြီးက မနှစ်က တစ်ဝါ ရွာမှာ ကျောင်းထိုင်လုပ်ခဲ့တယ်၊ အခု ရွာက ထွက်သွားတာ တလလောက်ရှိပြီ။ ဒီနေ့ ဈေးလာဝယ်ရင်း (အမျိုးသမီး) အခုလို သတ်ခံရတာပါ ဘာကြောင့်တော့သေချာမသိဘူး’မဇ္ဈိမကို ပြောသည်။
အမှုနှင့်ပတ်သက်ပြီး ပုသိမ်မြို့၊နယ်မြေရဲစခန်းက ပ- ၁၄၉/၂၀၁၅ဖြင့် အမှုဖွင့်ထားပြီး ပုဒ်မ ၃၀၂/၃၀၉ အရ ရဲလုပ်ထုံးလုပ်နည်းများဖြင့်အညီဆက်လက် အရေးယူဆောင်ရွက်နေကြောင်း နယ်မြေရဲစခန်းမှ တာဝန်ရှိသူတဦးက ပြောသည်။