တစ်လကျော်ကြာ ပျောက်ဆုံးနေသော လေ့ကျင့်ပျံသန်းရေး G-4 ဂျက်လေယာဉ်၏ အစိတ်အပိုင်းများပြန်တွေ့သော်လည်း လေယာဉ်မှူးများ ပျောက်ဆုံးနေသေးကြောင်း ယနေ့ တပ်မတော်ကာကွယ်ရေးဦးစီးချုပ်ရုံးမှ ထုတ်ပြန်သည်။
ယနေ့ အောက်တိုဘာလ ၁၈ ရက်၊ ညနေ ၃ နာရီခန့်တွင် G-4 ဂျက်လေယာဉ်၏ လေယာဉ်ဦးခေါင်းအစိတ်အပိုင်း၊ ဘီး ၁ လုံး၊ တောင်ပံအပိုင်း ၂ ခု၊ ထိုင်ခုံ၊ လေထီး၊ စက်ပစ္စည်းအပိုင်းအစများနှင့် PT2 တံဆိပ်ပါ ဘူး ၁ ဘူးတို့အား ဂွမြို့၏ တောက်ဘက် ၁၂ မိုင်ခန့််အကွာ၊ လေယာဉ်ဆက်သွယ်မှု ပြတ်တောက်ခဲ့သည့် နေရာ၏ မြောက်ဘက် ၅ မိုင်ခန့်အကွာ၌ ပြန်လည်ရှာဖွေတွေ့ရှိခဲ့သည်။
၎င်းဂျက်လေယာဉ်ကိုမောင်းနှင်ခဲ့သည့် လေယာဉ်မှူး ဗိုလ်မှူး ကောင်းထိုက်၊ တွဲဖက် လေယာဉ်မှူး ဗိုလ်ကြီး သော်ဇင်စိုးနှင့် ကျန်ရှိလေယာဉ်အစိတ်အပိုင်းတု့ိအား ဆက်လက် ရှာဖွေလျက်ရှိကြောင်းနှင့် ပျက်ကျသွားသည့် အကြောင်းအရင်းအား ဖော်ထုတ်သိရှိနိုင်ရေးဆောင်ရွက်နေကြောင်း ထုတ်ပြန်သည်။
ဖြစ်စဉ်မှာတပ်မတော်(လေ)မှ လေ့ကျင့်ပျံသန်းရေး G-4 ဂျက်လေယာဉ်တစ်စီးသည် စက်တင်ဘာ ၅ ရက် နံနက်ပိုင်းတွင် ပုသိမ်-ဟင်္သာတ-ဂွ-ပုသိမ်လမ်းကြောင်းအတိုင်း လေ့ကျင့်ပျံသန်းစဉ် နံနက် ၉ နာရီ ၁၈ မိနစ်တွင် ပုသိမ်မြို့၏အနောက်မြောက်ဘက် ၃၅၀ ဒီဂရီ၊ အကွာအဝေးအားဖြင့် ၃၆ မိုင်ခန့်အကွာ၌ ပုသိမ်လေဆိပ်နှင့် နောက်ဆုံး အဆက်အသွယ်ရရှိပြီးနောက်ပိုင်း ပျောက်ဆုံးသွားခဲ့သည်။
အဆိုပါဂျက်လေယာဉ်အား ရှာဖွေတွေ့ရှိစေရေးအတွက် အဆက်အသွယ်ပြတ် တောက်ခဲ့သည့် ယင်းနေ့နံနက်ပိုင်းမှစတင်၍ လေယာဉ်ပျံသန်းရာလမ်းကြောင်းတစ်လျှောက်တွင် မြေပြင်တပ်များနှင့် တပ်မတော်(လေ)မှ လေယာဉ်များ၊ ရဟတ်ယာဉ်များဖြင့် ရှာဖွေရေးလုပ်ငန်းများ ကြိုးပမ်းဆောင်ရွက်ခဲ့ရာ မြေပြင်တပ်များက အတွက် ဆောင်ရွက်လျက်ရှိကြောင်း ထုတ်ပြန်ထားသည်။
