မြန်မာ့ပထမဆုံးသော အကောင်းဆုံးအလုပ်ရှင် ပြိုင်ပွဲအတွက် ပြည်တွင်းနှင့် နိုင်ငံတကာအခြေစိုက် ကုမ္ပဏီများပါ၀င်ယှဉ်ပြိုင်ခဲ့ကြ

မြန်မာ့ပထမဆုံးသော အကောင်းဆုံးအလုပ်ရှင် ပြိုင်ပွဲအတွက် ပြည်တွင်းနှင့် နိုင်ငံတကာအခြေစိုက် ကုမ္ပဏီများပါ၀င်ယှဉ်ပြိုင်ခဲ့ကြ

သတင်းထုတ်ပြန်ချက်

အောက်တိုဘာ၁၆ရက်နေ့၊ ၂၀၁၇ခုနှစ်

ရန်ကုန်၊မြန်မာ

မြန်မာနိုင်ငံ၏ပထမဆုံးသော Myanmar Employer Awards 2017 ပွဲကြီးတွင် ပါဝင်ယှဉ်ပြိုင်ကြသော ကုမ္ပဏီများအနေဖြင့် ၎င်းတို့၏ လျောက်လွှာဖောင်များကို အဆုံးသတ်တင်သွင်းခဲ့ကြပြီ ဖြစ်ကြောင်း JobNet.com.mm က ကြေငြာသည်။ မြန်မာနိုင်ငံတွင် အကောင်းဆုံးသော အလုပ်လုပ်ကိုင်ရန် နေရာကောင်းများနှင့် အလုပ်ရှင်များက ၎င်းတို့၏ ခေါင်းဆောင်မှုကောင်းများကို   ဖော်ပြနိုင်ရန်အတွက် မြောက်များစွာသော ဆုနေရာများကို လျောက်လွှာများတင်၍ လျောက်ထားခဲ့ကြသည်။

ထိုသို့ လျောက်ထားရာတွင် ပြည်တွင်းကုမ္ပဏီ ၂၁ ခုမှ ဆုနေရာပေါင်း ၈၃ နေရာအတွက်၎င်း၊ နိုင်ငံတကာကုမ္ပဏီ ၂၀ ခန့်က ဆုနေရာပေါင်း ၅၀ ခန့်အတွက်၎င်း အသီးသီးပါဝင်ယှဉ်ပြိုင်ခဲ့ကြသည်။

“ဒါဟာမြန်မာနိုင်ငံနဲ့ JobNetအတွက် ပထမဆုံးသောအလုပ်ရှင်တွေကို ဆုပေးတဲ့ပွဲ ဖြစ်တဲ့အတွက် စိတ်လှုပ်ရှားမိပါတယ်။ မြန်မာနိုင်ငံနဲ့ နိုင်ငံတကာကုမ္ပဏီတွေအနေနဲ့ ကောင်းမွန်တဲ့ အလုပ်နေရာတွေ ဖန်တီးဖို့အတွက် တွန်းအားတရပ်လည်း ဖြစ်ပါတယ်။” ဟု JobNet.com.mm ၏ မန်းနေးဂျင်းဒါရိုက်တာ Matt De Luca ကပြောသည်။

“လုပ်ငန်းနယ်ပယ်အတွက် သိသိသာသာသာ တိုးတက်ဖို့အတွက် လူကောင်းလူတော်တွေကို အလုပ်အကိုင် ခန့်ထားနိုင်ရေးဟာ အရေးကြီးပါတယ်။ ကျွန်တော်တို့ရဲ့ရည်မှန်းချက်ကတော့   ပြည်တွင်းနဲ့ပြည်ပမှာရှိတဲ့ ကုမ္ပဏီတွေ၊ အလုပ်ရှင်တွေ၊ အစိုးရအဖွဲ့အစည်းတွေကို ကောင်းမွန်တဲ့ လူ့စွမ်းအားအရင်းအမြစ် စီမံခန့်ခွဲမှုတွေဟာ မြန်မာ့စီးပွားရေး ဖွံ့ဖြိုးတိုးတက်မှုနဲ့ အကျိုးအမြတ်တွေ တိုးတက်လာဖို့အတွက် အလုပ်သမားတွေရဲ့ ကဏ္ဍဟာ အရေးပါတယ်ဆိုတာကို ဖော်ပြချင်တာပါ။” ဟု ၎င်းကဆက်၍ပြောသည်။           

ကုမ္ပဏီများ

Myanmar Employer Awards အတွက် လျောက်လွှာတင်ခဲ့သော ကုမ္ပဏီများသည် အစားအသောက်နှင့် အဖျော်ယမကာလုပ်ငန်း၊ ခရီးသွားလုပ်ငန်း၊ ဆက်သွယ်ရေးလုပ်ငန်း၊ FMCG၊ ဖြန့်ချီရေးလုပ်ငန်းများ၊ ငွေကြေးဝန်ဆောင်မှုလုပ်ငန်းများ၊ ဘဏ်များ၊ ဥပဒေအကျိုးဆောင်လုပ်ငန်းများ၊ ဆေးဝါးလုပ်ငန်းများ၊ ပညာရေးနှင့်သင်တန်းကျောင်းများ၊ နိုင်ငံအသီးသီးမှ ကုန်သည်အသင်းများ၊ လျှပ်စစ်လုပ်ငန်းများ၊ ဆောက်လုပ်ရေးလုပ်ငန်းကုမ္ပဏီများ၊ ဆေးကုသမှုဝန်ဆောင်မှုလုပ်ငန်းများ စသည့်များပြားလှသော ကဏ္ဍများအတွက် လျောက်လွှာဖောင်များ တင်ခဲ့ကြသည်။

အကဲဖြတ်လုပ်ငန်းစဉ်

အကဲဖြတ်လုပ်ငန်းစဉ်ကို နိုင်ငံတော်သမ္မတ၏ အကြံပေးဟောင်းလည်းဖြစ်၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေးဆိုင်ရာ ကျွမ်းကျင်သူလည်းဖြစ်သော ဆရာကြီးပါမောက္ခဒေါက်တာအောင်ထွန်းသက်က ဦးဆောင်သည်။ ဆရာကြီးသည် အခြားသောအကဲဖြတ်ဒိုင်များကို ဦးဆောင်၍ ပွင့်လင်းမြင်သာပြီး တရားမျှတသော အကဲဖြတ်လုပ်ငန်းစဉ်များကို လုပ်ဆောင်မည်ဖြစ်သည်။

Myanmar Employer Awards ကိုကူညီပံ့ပိုးကြသူများ

ကျွနု်ပ်တို့၏ပလက်တီနမ်စပွန်ဆာများဖြစ်ကြသော Luther ဥပဒေအကျိုးဆောင်အဖွဲ့၊ Wall Street English တို့နှင့် ရွှေစပွန်ဆာများအဖြစ် Samsung and Power House Fitness Club တို့ကပံ့ပိုးပေးထားသည်။ ထို့အပြင် အထောက်အကူပြု စပွန်ဆာအဖြစ် မြန်မာနိုင်ငံဗြိတိန်ကုန်သည်ကြီးများအသင်းက ပါဝင်ပေးထားသည်။ ပွဲနေရာထိုင်ခင်းစပွန်ဆာအဖြစ် ဆူးလေရှန်ဂရီလာဟိုတယ်မှ ထောက်ပံ့ပေးထားပြီး Verifying ပါတနာအဖြစ် Deloitte Touche Myanmar ကပါဝင်ကူညီပေးထားသည်။

Myanmar Employer Awards ဆိုသည်မှာ

Myanmar Employer Awards သည် အကောင်းဆုံးသောလုပ်ငန်းရှင်များနှင့် ပင်ကိုယ်စွမ်းရည် စီမံခန့်ခွဲမှုများအပေါ် ၎င်းတို့၏ သူမတူစွမ်းရည်များနှင့် ကတိကဝတ်များ ဖြည့်ဆည်းမှုအတွက် တစ်နိုင်ငံလုံး အတိုင်းအတာဖြင့် နယ်ပယ်အသီးသီးရှိ အလုပ်ရှင်များကို ဆုများချီးမြှင့်ခြင်းဖြစ်သည်။

နိုင်ငံတကာနှင့် ပြည်တွင်းကုမ္ပဏီများအနေဖြင့် ၎င်းတို့၏အလုပ်သမားများကို အကောင်ဆုံးစောင့်ရှောက်နိုင်မှု၊ အလုပ်အကိုင်ပေးနိုင်မှု၊ ဆွဲဆောင်နိုင်မှု၊ စသောအလေ့အကျင့်ကောင်းများအတွက် ၎င်းတို့ကိုယ်တိုင်ကိုယ်ကျ အစီစဉ်များချမှတ်ဆောင်ရွက်ခြင်းအတွက် လွတ်လပ်မျှတစွာ ဆုံးဖြတ်မည့် ငါးလကြာအစီအစဉ်တစ်ခု ဖြစ်သည်။ ဆုရွေးချယ်ရာတွင် နောက်ဆုံးကျန်ရှိသည့် ကုမ္ပဏီများစာရင်းကို လာမည့်နိုဝင်ဘာလအတွင်း ကြေငြာပေးသွားမည် ဖြစ်ပြီး လာမည့်ဒီဇင်ဘာလ၉ရက်နေ့ညတွင် ရန်ကုန်မြို့ဆူးလေရှန်ဂရီလာဟိုတယ်တွင် ခမ်းနားစွာ ကျင်းပပေးသွားမည် ဖြစ်သည်။ အဆိုပါ Myanmar Employer Awards ကို JobNet.com.mm က ဦးဆောင်ကျင်းပခြင်းဖြစ်သည်။

JobNet.com.mm အကြောင်း

JobNet.com.mm ဟာ မြန်မာ့ဦးဆောင်ရှေ့ပြေးအွန်လိုင်းအလုပ်အကိုင် ဝဘ်ဆိုဒ်ကြီးတစ်ခုဖြစ်ပြီး လစဉ်ဝင်ရောက်ကြည့်ရှု့သူပေါင်း၄သိန်းကျော် ရှိပြီး အလုပ်လျှောက်လွာပေါင်း ၆သောင်းကျော်ရရှိသော ဝဘ်ဆိုဒ်ကြီးဖြစ်ပါတယ်။ မြန်မာနိုင်ငံရှိကြီးမားသော အလုပ်သမားခေါ်ယူသူများအနေနဲ့လည်း JobNetအား အဓိကထားအားကိုးအသုံးပြုနေကြပြီဖြစ်ပါတယ်။ JobNetအနေနဲ့လည်း မြန်နှုန်းမြင့်တိုးတက်မှုဖြင့် မြန်မာနိုင်ငံဈေးကွက်အတွင်းရှိ အရည်အသွေးမြင့်ကျွမ်းကျင်အဆင့်ရှိ အလုပ်သမားရှာဖွေရာမှာ အဆင့်မြင့်ပြီးအကောင်းမွန်ဆုံးဝဘ်ဆိုဒ်အဖြစ်ပိုမိုရှင်းလင်းသိသာလာစေခဲ့ပြီဖြစ်ပါတယ်။

JobNet.com.mmဟာ အိမ်ခြံမြေဝဘ်ဆိုဒ်ဖြစ်တဲ့ ShweProperty.comကဲ့သို့ပင် MM One Online Group ရဲ့အစိတ်အပိုင်းတစ်ခု ဖြစ်ပါတယ်။ နိုင်ငံပေါင်း၁၅နိုင်ငံအတွင်း နှစ်ပေါင်း၂၀ကျော် အတွေ့အကြုံများ၊  အပြည်ပြည်ဆိုင်ရာအသိအမှတ်ပြုခံရသော အတွေ့အကြုံရင့် ကျွမ်းကျင်ပညာရှင်များနှင့် CEO ဖြစ်သူ Justin Sway ရဲ့ဦးဆောင်မှုတို့ကြောင့် မြန်မာ့တိုးတက်မှုအမြန်ဆုံး အင်တာနက်စီးပွားရေး ကွန်ရက်များအဖြစ် ရပ်တည်နေပြီဖြစ်ပါတယ်။

Matt De Luca အကြောင်း
Matt De Luca ဟာJobNet.com.mmရဲ့မန်နေးဂျင်းဒါရိုက်တာတစ်ဦးဖြစ်ပါတယ်။သူဟာ PricewaterhouseCoopers (PWC) ရဲ့ Management Consulting Division ပိုင်းမှာအလုပ်စတင်လုပ်ကိုင်ခဲ့ပြီး၂၀၁၅ခုနှစ်ကစတင်ပြီးJobNet၏ Co-founder အဖြစ်စတင်ခဲ့သည်။

သူ့အနေနဲ့နယ်သာလန်နိုင်ငံမှာ Banking လုပ်ငန်းများအပေါ် Technology အခန်းကဏ္ဍ၏အကျိုးသက် ရောက်မှုနှင့် ပတ်သက်ပြီးအထူးတာဝန်ယူလုပ်ဆောင်ခဲ့သည်။ Matt သည်JobNetကိုဝင်ရောက်မလုပ်ကိုင်မှီမြန်မာနိုင်ငံအတွင်းစီးပွားရေးဝင်ရောက်လုပ်ကိုင်မှုအဖြစ် Rocket Internet ရဲ့အလုပ်အကိုင်ဆိုဒ်တစ်ခုတွင်လုပ်ကိုင်ခဲ့ဖူးသည်။ Matt သည် Erasmus University၊ Rotterdam School of Management မှ Science in Finance ဘာသာရပ်တွင် Master ရရှိထားသူလည်းဖြစ်ပြီးရန်ကုန်တွင်အခြေချနေထိုင်ကာJobNet.com.mmကိုဦးဆောင်လျှက်ရှိသည်။

မီဒီယာစုံစမ်းမေးမြန်းမှုများအတွက်
ဆက်သွယ်ရန် - ကိုမှူးအိမ်ဇော်
ဖုန်း                    - 09425352153
Email                - [email protected]

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly