စက်တင်ဘာ ၁၈၊ ပြင်သစ် ။ ။ ပင်နယ်တီနှင့်ပြစ်ဒဏ်ဘောများ ကန်သွင်းသည့် ကိစ္စရပ်နှင့်ပတ်သက်ပြီး အချင်းချင်းပြေလည်အောင်ညှိနှိုင်းကြရန် နေမာနှင့်ကာဗာနီတို့အား ပီအက်စ်ဂျီနည်းပြ အမ်မရီက တိုက်တွန်းလိုက်သည်။
ပီအက်စ်ဂျီအသင်းသည် လိုင်ယွန်အသင်းကို ၂-၀ ဂိုးဖြင့် အနိုင်ရခဲ့ပြီး ပြင်သစ်လိဂ်အဖွင့်ပွဲစဉ် ၆ ပွဲဆက်တိုက် အနိုင်ရခဲ့သော်လည်း ထိုပွဲစဉ်တွင် နေမာနှင့်ကာဗာနီတို့မှာ ပင်နယ်တီနှင့်ပြစ်ဒဏ်ဘော ကန်သွင်းရန် အငြင်းပွားခဲ့ကြသည်။
ပွဲချိန် ဒုတိယပိုင်းတွင် နေမာနှင့်ကာဗာနီတို့သည် ပင်နယ်တီကန်သွင်းရန်နှင့် ပြစ်ဒဏ်ဘောကန်သွင်းရန် သဘောထားမတိုင်ဆိုင်ပဲ နေရာလုခဲ့ကြသည်။ ဖရီးကစ်ကို နေမာက ကန်သွင်းခဲ့ပြီး ပင်နယ်တီကို ကာဗာနီက ကန်သွင်းခဲ့သော်လည်း ၂ ဦးစလုံးဂိုးဝင်အောင် မသွင်းနိုင်ခဲ့ကြပေ။
အဆိုပါကိစ္စရပ်နှင့်ပတ်သက်ပြီး ပီအက်စ်ဂျီနည်းပြ အမ်မရီက “သူတို့အချင်းချင်းကြားမှာ ပြေလည်အောင် ညှိနှိုင်းကြဖို့ နေမာနဲ့ကာဗာနီကို ကျွန်တော်ပြောခဲ့ပြီးပါပြီ။ သူတို့နှစ်ယောက်စလုံးက အသင်းရဲ့အဓိကဂိုးကန်သွင်းရယူမယ့်သူတွေပါ။ သူတို့ ပြေလည်အောင်လုပ်နိုင်မယ်လို့ ထင်ပါတယ်။
သူတို့ ပြေလည်အောင် မလုပ်နိုင်ဘူးဆိုရင်တော့ ကျွန်တော်ဆုံးဖြတ်ပေးရပါလိမ့်မယ်။ ဒါက ကျွန်တော်တို့အတွက် ပြဿနာဖြစ်လာတာမျိုး မလိုချင်ပါဘူး” ဟု ပြောဆိုခဲ့သည်။
ရည်ညွှန်း အီးအက်စ်ပီအန်
