တော့တင်ဟမ်ဟော့စပါးဟာ ဆောက်သမ်တန်အသင်းမှ ဂိုးသမား ပေါ်လို ဂတ်ဇာနီဂါကို ၅ နှစ်စာချုပ်ဖြင့် ခေါ်ယူလိုက်ကြောင်း ဗုဒ္ဓဟူးနေ့က ကြေညာခဲ့ပါတယ်။
ပြီးခဲ့တဲ့ရာသီက စပိန်ကလပ် Rayo Vallecano ကို အငှားနဲ့ သွားရောက်ကစားခဲ့တဲ့ အသက် ၂၅ နှစ်ရှိ အာဂျင်တီးနား ဂိုးသမားဟာ ကလပ်အသင်းသစ်မှာ ကျောနံပါတ် ၂၂ ကို ဝတ်ဆင်သွားမယ်လို့ သိရပါတယ်။
ဂတ်ဇာနီဂါဟာ ၂၀၁၃-၂၀၁၄ ရာသီက ဆောက်သမ်တန်အသင်းမှာ နည်းပြ ပိုချက်တီနို လက်အောက်မှာ ကစားခဲ့ပြီး ယခုတစ်ကြိမ် ပြန်လည်တွေ့ဆုံခဲ့တာလည်းဖြစ်ပါတယ်။
ဂတ်ဇာနီဂါဟာ အင်္ဂလန်ကို ၂၀၁၁ ခုနှစ်က ရောက်ရှိခဲ့ချိန်က ဂျေလင်ဂန်အသင်းမှာ ကစားခဲ့ပြီး နောက်တစ်နှစ်အကြာမှာ သူဟာ ဆောက်သမ်တန်အသင်းဆီ ပြောင်းရွှေ့ခဲ့ပါတယ်။
Ref; EFE_EPA