ဗြိတိန်ရဲ့ နာမည်ကြီး Big Ben နာရီမျှော်စင်ကို ပြုပြင်ထိန်းသိမ်းရေးလုပ်ဆောင်မှာဖြစ်တာကြောင့် လာမယ့်အပတ်ကစ ၄နှစ်ကြာ ၂ဝ၂၁ ခုနှစ်ထိ ခေါင်းလောင်းထိုးတော့မည်မဟုတ်ဘဲ ငြိမ်သက်နေတော့မှာဖြစ်ကြောင်း သိရပါတယ်။
Big Ben နာရီကြီးရဲ့ ခေါင်းလောင်းထိုးသံကို သြဂုတ်လ ၂၁ ရက်၊ တနင်္လာနေ့ ၁၂ နာရီတိတိမှာ နောက်ဆုံးအကြိမ်ဖြစ် ကြားသိခွင့်ရမှာဖြစ်ပါတယ်။
၄င်းနေရာအား ပြန်လည်ပြင်ဆင်ရန်အတွက် ခေါင်းလောင်းထိုးသံကို ရပ်ဆိုင်းရန် တနင်္လာနေ့က အမိန် ့ထုတ်ပြန်ခဲ့တာဖြစ်ပါတယ်။
အင်္ဂလန် လွှတ်တော်တာဝန်ရှိသူများက ဗြိတိန်နိုင်ငံရေးရဲ့ အချက်အချာဆုံမှတ်တစ်ခုအဖြစ် လူသိများတဲ့ ကမ္ဘာကျော် Big Ben နာရီကြီးရဲ့ ယခုဆယ်စုနှစ်အတွင်း နောက်ဆုံး ခေါင်းလောင်းထိုးသံကို နားဆင်ရန် အများပြည်သူတို့အား ယခုရက်သတ္တပတ်အတွင်း လွှတ်တော်ရင်ပြင်သို ့လာရောက်ကြရန် ဖိတ်ခေါ်ထားပါတယ်။
အမြင့် ၉၆ မီတာ (၃၁၅ ပေ) မြင့် Big Ben လို့ လူသိများတဲ့ အဲလိဇဘက်မျှော်စင်ဟာ ဗြိတိန်မှာ ဓာတ်ပုံအရိုက်ခံရဆုံး အဆောက်အဦးဖြစ်ပါတယ်။
ဗြိတိန် ပါလီမန်ရဲ့ နာမည်ကြီး Big Ben နာရီကြီးဟာ ပြီးခဲ့တဲ့ နှစ်ပေါင်း ၁၅၇ နှစ်အတွင်း အမြဲလိုလိုပျက်ကွက်ခြင်းမရှိဘဲ နာရီခေါင်းလောင်းထိုးသံကို လုပ်ဆောင်ပေးခဲ့ပါတယ်။
နာရီရဲ့ ဘီးတွေနှင့် လက်တံတွေအပြင် နာရီမျက်နှာပြင် လေးဖက်ကို ဖယ်ရှားမှာဖြစ်ကာ သန့်ရှင်းရေးပြုလုပ်ခြင်းနှင့် ပြန်လည်ပြုပြင်ခြင်းတွေကို အစိတ်အပိုင်းအခုအနေဖြင့် ပြုလုပ်သွားလိမ့်မယ်လို့ သိရပါတယ်။
ပရိုဂျက်ရဲ့ ကုန်ကျစရိတ်ဟာ ပြီးခဲ့နှစ်က ပေါင် ၂၉ သန်း (ယူရို၃၁.၉ သန်၊ ဒေါ်လာသန်း ၃၇.၇ ) ရှိမယ်လို့ ခန့်မှန်းခဲ့ပါတယ်။
ပြီးခဲ့တဲ့ ၂ဝဝ၇ ခုနှစ်က နာရီစင် ပြုပြင်ထိန်းသိမ်းရေးလုပ်ငန်းအတွက် ခေါင်းလောင်းထိုးခြင်း မပြုဘဲ ငြိမ်သက်ခဲ့ဖူးသလို ၁၉၈၃ ခုနှစ်မှ ၁၉၈၅ ခုနှစ်အတွင်း အရောင်တင်ဆေးသုတ်ခြင် ပြုလုပ်ရန်အတွက် ခေါင်းလောင်းထိုးခြင်း မပြုဘဲ ငြိမ်သက်ခဲ့ဖူးကြောင်း သိရပါတယ်။
Big Ben နာရီကြီးရဲ့ သိကောင်းစရာ အချက်အလက်အချို့
- Big Ben နာရီကြီးဟာ အကျယ် စတုရန်း ၁၂ မီတာ၊ အမြင့် ၉၅ မီတာရှိပါတယ်။
- ၎င်းဟာ အမြင့် ၂ မီတာ၊ အချင်း ၂.၇၅ မီတာရှိပြီး အလေးချိန်ဟာ ၁၃.၇ တန်ရှိ။
- မျက်နှာပြင် လေးခုရှိကာ အချင်း ရ မီတာရှိပြီး မိနစ်လက်တံအရှည် ၄.၂၄ မီတာနှင့် နာရီလက်တံက ၂.၇၅ မီတာ အရှည်ရှိ။
- Big Ben နာရီကို ၁၈၅၈ ခုနှစ်မှာ Denk ဆိုသူက တည်ဆောက်ခဲ့ပြီး၊ ၁၈၅၉ ခုနှစ်မှာ ချိတ်ဆွဲခဲ့။
- ညအချိန်မှာ နာရီမျှော်စင်မှ မီးရောင်က ပါလီမန်ကျင်းပနေခြင်းကို ဖော်ပြ။
Ref; AFP, Xinhua
