တောင်ပြံုးပွဲနှင့်H1N1

တောင်ပြံုးပွဲနှင့်H1N1

နတ်ကိုးကွယ်ယုံကြည်မှုသမိုင်းကိုပြောကြမည်ဆိုင်လျှင် တောင်ပြုံးမင်းနှစ်ပါးနတ်ပွဲကို ချန်လှပ်ထား၍ မရပေ။ မြန်မာနိုင်ငံ၏ အထင်ကရပွဲတော်များတွင်လည်း တောင်ပြုံးမင်းနှစ်ပါး နတ်ပွဲပါဝင်သည်။

နှစ်စဉ် ဝါခေါင်လကိုရောက်ပြီဆိုလိုက်သည်နှင့် တောင်ပြုံးပွဲကို သွားရောက်နိုင်ရန် စီစဉ်ကြပေတော့သည်။ ရိုးရာမပျက် ဆွေစဉ်မျိုးဆက် ပူးဇော်ပသကြသူများ၊ နတ်ကတော်များ၊ ယုံကြည်မှုဖြင့် သွားရောက်ကြမည့်သူ အတော်များများသည် ကြိုတင်ပြင်ဆင်မှု ပြုလုပ်တတ်ကြသည်။

ထိုအတူ တောင်ပြုံးပွဲကို သွားရောက်ရောင်းချကြည့် စျေးသည်များသည်လည်း အချို့ဆိုလျှင် ပွဲမစခင် ဝါခေါင်လ ဝင်လိုက်သည်နှင့် တောင်ပြုံးကြီးကျေးရွာသို့ ခြေချပြီးသားဖြစ်နေကြသည်။

ထို့အတူ တောင်ပြုံးကြီးကျေးရွာ ဒေသခံများအနေဖြင့်လည်း ဧည့်သည်များတည်ခိုရန် နေအိမ်များ ပြုပြင်တည်ဆောက်ခြင်း၊နတ်နန်းများ ပြုပြင်ခြင်း၊စျေးဆိုင်များ ပြုပြင်ကြသလို လမ်းများလည်း ပြုပြင်ခင်းကျင်းမှုများ နှစ်စဉ်ဆောင်ရွက်ကြမြဲပင်ဖြစ်သည်။

တောင်ပြုံးပွဲစတင်သည့်နေကပင် စတင်၍ လာရောက်ပူဇော်သူများနှင့် နှစ်စဉ် စည်ကားမြဲဖြစ်သည်။ ပူဇော်ပသသူများသလို အပျော်သဘောမျိုးဖြင့် လာရောက်ကြသူများလည်းရှိသည်။နှစ်စဉ်   မြန်မာပြည်အနှ့ံမှ တောင်ပြံုးပွဲတော်သို့ လာရောက်ကြသူ တစ်သိန်းကျော်ရှိသည်။

ယခုနှစ်တောင်ပြံုးပွဲတော်၌် H1N1 ၏ စိန်ခေါ်မှုကို ခံလိုက်ရသည်။တောင်ပြံုးပွဲတော်သည် ဇူလိုင်လ ၃၁ ရက်နေ့မှ စတင်မည်ဖြစ်သော်လည်း ယခုပင် စည်ကားစပြုနေပြီ ဖြစ်သည်။

မြန်မာပြည်အနှံ့က လာရောက်ကြမည့် နတ်ကိုးကွယ်ယုံကြည်သူများ H1N1 ရောဂါကာကွယ်ရေးအတွက် တောင်ပြံုးပွဲတော်တွင် ပညာပေးဆိုင်ပုဒ်များ၊လက်ကမ်းစာစောင်များ၊ပညာပေးပြခန်းများနှင့် မတ်များအခမဲ့ဖြန့်ဝေခြင်းတို့ကို ကျန်မာရေးဦးစီးဌာနနှင့်အုပ်ချုပ်ရေးအာဏာပိုင်များ လုပ်ဆောင်လျှက်ရှိသည်။

ထို့အပြင် မန္တလေးတိုင်းဒေသကြီးအစိုးရအဖွဲ့အနေဖြင့်လည်း ဇူလိုင် ၂၈ရက်က တောင်ပြံုးပွဲတော် လာရောက်သူများ ရာသီတုပ်ကွေးရောဂါ ကူးစက်၊ပျံ့နှံ့ကာကွယ်နိုင်ရေးအတွက် ပွဲတော်ကာလအတွင်း ဇာတ်ပွဲနှင့်ရုပ်ရှင်တို့ကို ပြုလုပ်ပြသခွင့်ပိတ်ပင်ထားသည်။

တောင်ပြံုးပွဲတော် လာရောက်သူများကို ထိထိရောက်ရောက် ပညာပေးမှုများနှင့်ကြိုတင်ကာကွယ်ပေးနိုင်မှု တို့ကို မန္တလေးတိုင်းဒေသကြီးအစိုးရအဖွဲ့အနေဖြင့် လုပ်နိုင်၊မလုပ်နိုင်ကလည်း စိုးရိမ်စရာဖြစ်သည်။

လူပေါင်း တစ်သိန်းကျော် နှစ်စဉ်လာရောက်နေသည့် တောင်ပြံုးပွဲတော်မှာ ရောဂါမကူးစက်အောင်၊ မပြန့်ပွားအောင် ဆို်းဘုတ်ထောင်ရုံ၊လက်ကမ်းစာစောင်ဝေရုံ အသိပညာပေးရုံနှင့်H1N1 ကိုဟန့်တား ကာကွယ်ရန်မှာလည်း ခက်ခဲနိုင်သည်။

H1N1 သယ်ဆောင်လာမည့် သူကိုဘယ်မှသိနို်င်မည်မဟုတ်သလို ကာယကံရှင်ကိုယ်တိုင်တောင်ဖြစ်နေမှန်း သတိမမူမိနိုင်ပေ။

ဇာတ်ပွဲနှင့်ရုပ်ရှင်ရုံ ရပ်နားလည်း ယုံကြည်ကိုးကွယ်သူများက နှစ်စဉ်ရိုးရာမပျက် လာကြမည်ဖြစ်သောကြောင့် အမှန်တကယ် ရောဂါမဖြစ်အောင်၊မပြန့်ပွားအောင် ကာကွယ်ဖို့ စီမံချက်တစ်ခု အမှန်တကယ်လိုနေသည်။

ပွဲတော်ကျင်းပရန်မှာလည်း ရက်ပိုင်းမျှသာလိုတော့သည်။သာမာန်ထက် နည်းနည်းပိုသည့် လုပ်ဆောင်ချက် များနှင့်တော့ တောင်ပြံုးပွဲတော်၏ ကျန်းမာရေးကတော့ ကောင်းလာလိမ့်မည်ဟုတ်ပေ။

တောင်ပြံုးကျေးရွာ ထိလိုက်သည်နှင့်မန္တလေးမြို့၏ အနာဂတ်သည် H1N1 ထဲထိုးဆင်းသွားပေတော့မည်။

 

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly