စာသင်ကျောင်းများတွင် အားကစား ထောက်ကူပစ္စည်းများ ပေးရန် စီစဉ်နေ

စာသင်ကျောင်းများတွင် အားကစား ထောက်ကူပစ္စည်းများ ပေးရန် စီစဉ်နေ

နေပြည်တော်၊ ဇူလိုင် ၂၇ ။            ။ စာသင်ကျောင်းများတွင် အားကစားထောက်ကူ ပစ္စည်းများ ပေးရန် စီစဉ်နေပြီး ကျောင်းများတွင် တစ်ပတ်လျှင် နှစ်ချိန်ခန့် အားကစားချိန်ကို ထည့်သွင်းပေးရန် ပညာရေးဝန်ကြီးဌာနသို့ စာပို့ထားကြောင်း ကျန်းမာရေးနှင့် အားကစားဝန်ကြီးဌာန ပြည်ထောင်စု ၀န်ကြီး ဒေါက်တာမြင့်ထွေးက ဆိုသည်။

ဇူလိုင်လ ၂၆ရက်နေ့က နေပြည်တော်ရှိ ကျန်းမာရေးနှင့် အားကစားဝန်ကြီးဌာနတွင်ပြုလုပ်သော အားကစားနှင့် ကာယ ပညာဦးစီးဌာန၊ညွှန်ကြားရေးမှူးချုပ်နှင့် တိုင်းဒေသကြီး ၊ပြည်နယ် ညွှန်ကြားရေးမှူးများ၊ မြို့နယ် အားကစားမှူးများနှင့် တွေ့ဆုံပွဲ အခမ်းအနားတွင် ပြောခဲ့ခြင်းဖြစ်သည်။

“အခုဒီခေတ်မှာက ကျောင်းတွေ မှာ ဘောလုံးကွင်း၊ ဘက်စကက်ဘောကွင်း တွေရဖို့ရာက သိပ်မလွယ်ဘူ၊ မလွယ်တဲ့ခါကြတော့ ကျောင်းတွေ မှာ အခု ကျွန်တော် ဘာစဥး်စားလဲဆိုတော့ Table Tennis တွေပေးမယ်၊ နောက်နှစ်ဘတ်ဂျက်မှာ ကျွန်တော်တို့ထဲကနေ ပေးမယ်။ ရက်ကက်တွေရယ်၊ ပိုက်တွေရယ်၊ဖြစ်နိုင်ရင်တော့ တချို့ကျောင်းတွေမှာ ဘက်စကက်ဘောနဲ့ဘောလီဘောအတွက် ၊တချို့ခြင်းလုံးလည်းရတယ် သူတို့ Exercise ဖြစ်အောင်လုပ်ဖို့အဲ့ဒါတွေကို ကျွန်တော်တို့ စဉ်းစားမယ်။ အဲ့တာတွေိကို ကျွန်တော်တို့ တိုးတောင်းမှာပါ ၊ အဲ့လို ရှိပါတယ်” ဟု ပြည်ထောင်စုဝန်ကြီးက ပြောသည်။

ထို့ပြင် ယခင်ကလို ကျောင်းသားအားကစား ပွဲတော်များ ပြန်လည်ဖြစ်မြောက်လာစေရန်လည်း ပညာရေးဝန်ကြီး ဌနာနှင့်ပူးပေါင်းဆောင်ရွက်ပြီး လုပ်ဆောင်ရမည်ဟု အားကစားနှင့် ကာယ ပညာ ဦးစီးဌာန ညွှန်ကြားရေးမှူး ချုပ် ဦးမျိုးလှိုင်က မီဒီယာများကို ပြောသည်။

“ကျောင်းသားအားကစားပွဲလုပ်ဖို့ဆိုတာ ကျွန်တော်တို့က အဓိက ပညာရေးနဲ့ပေါင်းပြီးတော့ လုပ်ရမှာ ကျွန်တော်တို့ အားကစားဘက်ကလိုအပ်တဲ့ အဖွဲ့ချုပ်တို့နဲ့ ပေါင်းပြီးတော့ နည်းြ့ပတွေကူညီပေးမယ်၊ ဒိုင်တွေကူညီပေးမယ်၊နောက်တစ်ခုက ပြိုင်ပွဲရေးဆွဲရေးစီမံချက်တွေ ဆောင်ရွက်ပေးမယ်၊ အားကစားကွင်း အားကစားရုံလည်း အသုံးပြုခွင့်ပေးမယ်” ဟု ဦးမျိုးလှိုင်က ဆိုသည်။

ဒါ့အပြင် အခြေခံပညာ အဆင့်ကျောင်းများ ကို ထိုကဲ့သို့ လုပ်ဆောင်ပေးပြီးတာနဲ့ ယခင်ကလိုပဲ တက္ကသိုလ်ပေါင်းစုံပါ၀င်သည့် ကျောင်းသား အားကစားပွဲတော်များကိုလည်း လုပ်ဆောင်ပေးမည်ဖြစ်ကြောင်း ဦးမျိုးလှိုုင်က ဆက်လက်ပြောသည်။

“အခြေခံပညာအဆင့်ပြီးတာနဲ့ ကျွန်တော်တို့က တက္ကသိုလ် အဆင့် ကိုလည်း အရင်တုန်းက တက္ကသိုလ်ပေါင်းစုံ ကျောင်းသား အားကစားပွဲတော်တွေ ရှိခဲ့တယ်။တက္ကသိုလ် အဆင့် ပွဲတော်တွေ ရှိခဲ့တယ်၊ အဲဒါတွေကို ကျွန်တော်တို့ ပြန်လုပ်ပေးရမယ်၊ အားကစားဘက်ကတော့ အမြဲတမ်းပဲ ။ နည်းပြတွေ အားကစားကွင်းရုံတွေ၊ အားကစားပစ္စည်း အထောက်အပံ့တွေ ပေါ့ ။ ဒါတွေကို အမြဲတမ်း ပ့ံပိုးပေးပြီးတော့ လေ့ကျင့်ဆောင်ရွက်သွားမှာဖြစ်ပါတယ်”ဟုဆိုသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly