ကမ္ဘာကျော် ရော့ခ်တီးဝိုင်း Linkin Park တို့ရဲ့ ဦးဆောင် အဆိုတော် ချက်စတာ ဘင်နီတွန် (Chester Bennington)ဟာ သေဆုံးခဲ့ပြီး ၎င်းရဲ့ သေဆုံးမှုဟာ မိမိကိုယ်မိမိ သေကြောင်းကြံစည်မှုဖြစ်နိုင်ဖွယ်ရှိတယ်လို့ စုံးစမ်းစစ်ဆေးမှုပြုလုပ်နေကြောင်း အာဏာပိုင်တွေက ကြာသပတေးနေ့က ပြောကြားပါတယ်။ သေဆုံးချိန်မှာ သူဟာ  အသက် ၄၁ နှစ် ဖြစ်ပါတယ်။

ဖုန်းခေါ်ဆို အကြောင်းကြားချက်အရ ရဲအဖွဲ့က ဘင်နီတွန် သေဆုံးနေတာကို ကြာသပတေးနေ့ မနက်ပိုင်းက Palos Verdes Estates ရှိ ၎င်းရဲ့ နေအိမ်မှာ တွေ့ရှိခဲ့တယ်လို့ သိရပါတယ်။

အဆိုပါအဆိုတော်ဟာ နှစ်ပေါင်းများစွာ မူးယစ်ဆေးဝါးနဲ့ အရက်အလွန်အကျွံသုံးစွဲရင်းကနေ ရုန်းကန်ခဲ့ရပြီး လိင်ပိုင်းဆိုင်ရာ အနှောက်အယှက်ပေးခံရပြီးနောက် လူငယ်တစ်ဦးအနေနဲ့ မိမိကိုယ်ကို သတ်သေဖို့ ကြံစည်ဖူးကြောင်း သိရပါတယ်။

ဘင်နီတွန်ဟာ ပြီးခဲ့တဲ့ မေလက မိကိုယ်မိမိ သေကြောင်းကြံပြီး သေဆုံးသွားတဲ့ Soundgarden အဖွဲ့ရဲ့ တေးရေး၊ တေးဆို  Chris Cornell ခရစ် ကော်နဲလ်ရဲ့ အရင်းနှီးဆုံး သူငယ်ချင်းတစ်ယောက်ဖြစ်ပါတယ်။

ဘင်နီတွန်ဟာ ကော်နဲလ်သေဆုံးတဲ့နေ့က အိမ်ဖွင့်စာတစ်စောင် ရေးခဲ့တယ်လို့လည်း သိရပါတယ်။ ကြာသပတေးနေ့မှာ ကော်နဲလ်ရဲ့ ၅၃ ကြိမ်မြောက် မွေးနေ့ပွဲ ကျရောက်ခဲ့ပါတယ်။

၁၉၉၆ ခုနှစ်မှာ တည်ထောင်ခဲ့တဲ့ Linkin Park ဂီတအဖွဲ့ဟာ  "In the End" နှင့် "Crawling" သီချင်းများအပါအဝင် အယ်လ်ဘမ် ရ ချပ်ထုတ်ဝေခဲ့ပါတယ်။ သူတို့နောက်ဆုံးထုတ်ဝေခဲ့တဲ့ "One More Light" အယ်ဘ်ဘမ်ဟာ Billboard မှာ နံပါတ် ၁ ဖြစ်ခဲ့ပါတယ်။

ချက်စတာ ဘင်နီတွန်ဟာ Linkin Park အဖွဲ့အပြင် Stone Temple Pilot ရော့ခ်တီးဝိုင်းရဲ့ အဆိုတော်အဖြစ်လည်း ပါဝင်ခဲ့ပါတယ်။

အိမ်ထောင် နှစ်ကြိမ်ကျခဲ့တဲ့ ဘင်နီတွန်ဟာ ကလေး (၆)ယောာက် ကျန်ရစ်ခဲ့ပါတယ်။

(EFE_EPA)