သြဂုတ် ၇၊ ရောမ ။ ။ ဆေးစစ်မှုပြုလုပ်ရန်နှင့် အပြီးသတ်စာချုပ် ချုပ်ဆိုရန် ရောမမြို့သို့ရောက်ရှိလာသည့် တိုက်စစ်မှူး ဒီဇီကို ကို ရိုးမားအသင်းပရိသတ်များစွာက လာရောက်ကြိုဆိုခဲ့ကြသည်။
ရိုးမားအသင်းနှင့် မန်စီးတီးအသင်းတို့သည် ဒီဇီကို၏ပြောင်းရွှေ့ကြေးကို ပေါင် ၁၄ သန်းဖြင့် သဘောတူညီထားကြခြင်းဖြစ်သည်။ ပရိသတ်အများအပြားက လှိုက်လှိုက်လှဲလှဲ လာရောက်ကြိုဆိုခဲ့ကြသည့် အတွက် ဘော့စနီးယားတိုက်စစ်မှူးမှာ အလွန်ဝမ်းမြောက်လျက်ရှိသည်။
၂၀၁၁ ခုနှစ်က ဝုဖ်ဘတ်မှ မန်စီးတီးသို့ ရောက်ရှိလာသည့် ဒီဇီကိုသည် မန်စီးတီးအသင်းပရီးမီးယားလိဂ်ချန်ပီယံဖြစ်ခဲ့သည့် ၂၀၁၂-၁၃ ရာသီက အဓိကတိုက်စစ်မှူးအဖြစ် ၁၅ ဂိုးသွင်းယူပြီး ခြေစွမ်းပြ ခဲ့သော်လည်း ပြီးခဲ့သည့်ရာသီက အကန့်အသတ်ဖြင့်သာ ပွဲထွက်ခွင့်ရခဲ့ပြီး အဂူရို၏နောက် ဒုတိယဦးစားပေးအဖြစ်သာ ကစားခဲ့ရသည်။
ထို့အပြင် လက်ရှိအချိန်၌အသင်းတွင် အိုင်ဗရီကို့စ်တိုက်စစ်မှူး ဘိုနီ၊ လူငယ်တိုက်စစ်မှူး ပိုဇိုတို့ ရှိနေပြီး ယခုရာသီ၌ လီဗာပူးလ်မှတိုက်စစ်ကစားသမား စတာလင်ကိုပါ မန်စီးတီးက ထပ်မံခေါ်ယူထားသည့် အတွက် အသင်းပြောင်းရန် ကြိုးပမ်းခဲ့ခြင်း ဖြစ်သည်။
