လီဗာပူးလ်အသင်းဟာ ချယ်လ်ဆီးတိုက်စစ်မှူး ဒိုမီးနစ် ဆိုလန်ကာကို ခေါ်ယူစာချုပ်လိုက်ပြီဖြစ်ကြောင်း တနင်္လာနေ့က ကြေညာခဲ့ပါတယ်။
အသက် ၁၉ နှစ်အရွယ် ဆိုလန်ကာဟာ ဒီနွေရာသီ အင်္ဂလန်ရဲ့ ယူ-၂၀ ကမ္ဘာ့ဖလားပြိုင်ပွဲမှာ (၄)ဂိုး သွင်းယူပြီးနောက် လီဗာပူးလ်အသင်းဆီ လာရောက်ပူးပေါင်းတာဖြစ်ပါတယ်။
ဆိုလန်ကာဟာ တောင်ကိုရီးယားမှာ ကျင်းပတဲ့ ယူ-၂၀ ကမ္ဘာ့ဖလားပြိုင်ပွဲမှာ အကောင်းဆုံးကစာသမားဆု ရွှေဘောလုံးကို ကိုင်မြှောက်နိုင်ခဲ့သလို အင်္ဂလန်အသင်းဟာလည်း သမိုင်းဝင် ယူ-၂၀ ကမ္ဘာ့ဖလားဆုကို ဆွတ်ခူးနိုင်ခဲ့ပါတယ်။
အဆိုပါလူငယ်တိုက်စစ်မှူးဟာ ချယ်လ်ဆီးအသင်းကြီးမှာ ၂၀၁၄ ခုနှစ်က တစ်ပွဲကစားခဲ့ပြီး Vitesse Arnhem အသင်းဆီ အဌားနဲ့ ပြောင်းရွှေ့ခဲ့တဲ့ ၂၀၁၅-၁၆ ရာသီမှာ (၂၅)ပွဲကစား၊ (၇)ဂိုး သွင်းယူခဲ့ပါတယ်။
ဆိုလန်ကာဟာ နောက်ရာသီ အန်ဖီးလ်မှာ ကျောနံပါတ် (၂၉) ဝတ်စုံကို ဝတ်ဆင်သွားလိမ့်မယ်လို့ သိရပါတယ်။
Ref; EFE_EPA