ဇူလိုင် ၈၊ လန်ဒန်။ ။ အာဆင်နယ်အသင်းမှ ပြင်သစ်လူငယ်တိုက်စစ်မှူး ယာယာဆာနိုဂို ကို ပြင်သစ်လီဂူးကလပ် တူးလော့စ်အသင်းက အပြီးသတ်ခေါ်ယူခဲ့သည်။
ယာယာဆာနိုဂိုမှာ ၂၀၁၃ဘောလုံးရာသီကတည်းက ပြင်သစ်ကလပ် အော်ဇရီအသင်းမှ အာဆင်နယ်သို့ ပြောင်းလာပြီးနောက် အာဆင်နယ်အသင်းအတွက် လေးရာသီပေါင်း ပွဲ ၂၀ သာကစားခွင့်ရခဲ့ပြီး ၄ ဂိုးသာသွင်းယူနိုင်ခဲ့သည်။ တူးလော့စ်အသင်းသည် ဆာနိုဂိုကို သုံးနှစ်စာချုပ် ချုပ်ဆိုခဲ့ပြီး အသင်းပွဲထွက်စာရင်းတွင် အသုံးပြုမည့် ကတိကိုလည်း စာချုပ်တွင် ထည့်ချုပ်ခဲ့သည်။
ဆာနိုဂိုမှာ အာဆင်နယ်အသင်းသို့ ပြောင်းရွှေ့ပြီးနောက်ပိုင်း အငှားကစားသမားအဖြစ် အေဂျက်ဇ်၊ ခရစ္စတယ်ပဲလေ့စ်၊ ချာလ်တန်အသင်းများတွင် သွားရောက်ကစားခဲ့သည်။ အာဆင်နယ်အသင်းမှာ ယခုနှစ်အပြောင်းအရွှေ့ဈေးကွက်အတွင်း ပြင်သစ်တိုက်စစ်မှူး လာဇက်တီကို ခေါ်ယူပြီးနောက် အသင်းမှ တိုက်စစ်မှူးများဖြစ်သော ဂီရော့ဒ်၊ လူးကပ်စ်ပီးရက်စ်တို့ကိုလည်း ရောင်းချရန် စီစဉ်နေသည်။
