ဟန်ဆိုလို ဇာတ်ကားရိုက်ကူးရေးမှ ဒါရိုက်တာ ဖီးလ်လော့ဒ်နှင့် ခရစ္စတိုဖာမစ်လာတို့ နှုတ်ထွက်

ဟန်ဆိုလို ဇာတ်ကားရိုက်ကူးရေးမှ ဒါရိုက်တာ ဖီးလ်လော့ဒ်နှင့် ခရစ္စတိုဖာမစ်လာတို့ နှုတ်ထွက်

မကြာခင်တွင် ထွက်ရှိရန်စီစဉ်ထားသော စတားဝါးဇာတ်ကောင် ဟန်ဆိုလိုအကြောင်း ပုံဖော်ရိုက်ကူးမည့် ဒါရိုက်တာနှစ်ဦးသည် ရိုက်ကူးရေးအစီအစဉ်မှ နှုတ်ထွက်ခဲ့ကြသည်။

ဒါရိုက်တာဖီးလ်လော့ဒ်နှင့် ခရစ္စတိုဖာမစ်လာတို့က သူတို့နှုတ်ထွက်ရသည့် အကြောင်းရင်းမှာ ထုတ်လုပ်သူများ နှင့် သူတို့နှစ်ဦးကြားရှိ ဖန်တီးမှုစိတ်ကူးစိတ်သန်း မတူညီမှုကြောင့်ဖြစ်ကြောင်း ပြောခဲ့သည်။

ရုပ်ရှင်ထုတ်လုပ်သူ ကတ်သ်လင်းကနေဒီနှင့် ဒါရိုက်တာနှစ်ဦးသည် လပေါင်းအတော်ကြာအောင် အငြင်းပွားခဲ့ အပြီးတွင် စတားဝါးတရားဝင် ဝက်ဘ်ဆိုက်က Han Solo ဇာတ်ကားအတွက် ဒါရိုက်တာမရှိတော့ကြောင်း ယခုလို ကြေညာချက်ထုတ်ပြန်ခဲ့ခြင်းဖြစ်သည်။

ထုတ်လုပ်သူ ကနေဒီက ဒါရိုက်တာနှစ်ဦးသည် ပါရမီရှိသူများဖြစ်ကြသော်လည်း လူးကပ်စ်ရုပ်ရှင်ထုတ်လုပ်ရေး အဖွဲ့နှင့် မတူညီသော ဖန်တီးမှုအမြင်များ ရှိခဲ့ကြောင်း ပြောခဲ့သည်။ ဒါ့အပြင်သူမက ဒါရိုက်တာအသစ်ကို မကြာခင်တွင် ကြေညာမည်ဖြစ်ကြောင်း ဖြည့်စွက်ပြောကြားခဲ့သည်။ ဟန်ဆိုလိုအကြောင်း ရုပ်ရှင်ကို လာမည့် ၂၀၁၈ မေ ၂၅ရက်နေ့တွင် ရုံတင်ပြသနိုင်ရန် စီစဉ်ထားသည်။

လော့ဒ်နှင့် မစ်လာတို့သည် The Lego Movie နှင့် Clody With A Chance of Meatballs တို့ကဲ့သို့သော ကာတွန်းဇာတ်ကားများနှင့် ဟာသအက်ရှင်ဇာတ်ကား 21 Jump Street တို့ကို ရိုက်ကူးခဲ့သူများ ဖြစ်ကြသည်။

Ref: BBC

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly