ကမ္ဘောဒီးယားတက္ကသိုလ် The University of Cambodia (UC) လက်အောက်ရှိ Business School ကို အဲအေးရှ၏ Group Executive Officer တိုနီဖာနန်ဒက် ကိုအစွဲပြု၍ နာမည်ပေးအပ်ခဲ့ခြင်းဖြစ်ကြောင်း သတင်းထုတ်ပြန်လိုက်သည်။
UC သည် ၎င်းတို့၏တက္ကသိုလ်အဆောက်အအုံ ၈ ထပ် တွင်ရှိနေသော THE TONY FERNANDES SCHOOL OF BUSINESS နှင့် ၎င်း၏ လိုဂိုအမှတ်တံဆိပ် အကြောင်းကို မေလ ပထမပတ်က ထုတ်ဖော်ပြောကြားလိုက်ခြင်းဖြစ်သည်။
ယင်းအပြင် ထိုအဆောက်အအုံတွင်းတွင်ပင် ညီလာခံများ၊ အလုပ်ရုံဆွေးနွေးပွဲများ၊ ညှိနှိုင်းဆွေးနွေးပွဲများ လက်ခံကျင်းပပေးနေသော စာသင်ခန်းမကိုလည်း AirAsiaဟု အမည်ပေးကင်ပွန်းတပ်ခဲ့သေးသည်။