မေ ၁၉ ။               ။ ဘရားဇီးသမ္မတမိုက်ကယ်တီးမားသည် အကျင့်ပျက်ခြစားမှုကြောင့် ထောင်ကျနေသော နိုင်ငံရေးသမားတစ်ဦး ထံသို့ သူ၏ကောင်းကျိုးအတွက်   နှုတ်ပိတ်ခ အမြောက်အမြား   ပေးချေခဲ့သည်ဟု စွပ်စွဲခံထားရသော်လည်း ရာထူးမှနှုတ်ထွက်သွားမည် မဟုတ်ကြောင်း ကြာသာပတေးနေ့က ပြောင်ပြောင်တင်းတင်း ငြင်းဆန်ခဲ့သည်။

“ကျနော် လုံးဝနှုတ်ထွက်မှာ မဟုတ်ပါဘူး” ဟု သူက တစ်နိုင်ငံလုံးကို ရုပ်မြင်သံကြားမှတဆင့် အကျဉ်းချုံး ကြေညာခဲ့သည်။

ထောင်ကျနေသော နိုင်ငံရေးသမားတစ်ဦးထံသို့ တီးမားသည် လာဘ်ငွေပေးရန် သဘောတူခဲ့ပုံကို လျှို့ဝှက် အသံဖမ်းခံထားရကြောင်း O Globo သတင်းစာက ဖော်ပြခဲ့ပြီး ၂၄နာရီအကြာတွင် တီးမားသည် စွဲချက်တင်မှု ၃ခုဖြင့် ရင်ဆိုင်နေရသည်။

ဒါ့အပြင် သူ၏ညွှန့်ပေါင်းအဖွဲ့သည် ပြိုလဲပျက်စီးလာပြီဟု သတင်းများထွက်ပေါ်နေသလို အချို့သော မဟာမိတ် များက သူ့ကို နှုတ်ထွက်ပေးရန် တောင်းဆိုနေကြသည်။

ယခုလို ဖိအားများ များပြားလာသောကြောင့် နိုင်ငံတော် တရားရုံးချုပ်က နှုတ်ပိတ်ခပေးချမှုတွင် တီးမားပါဝင် နေသည်ဆိုသော စွပ်စွဲမှုများနှင့် ပက်သက်၍ တရားဝင် စုံစမ်းစစ်ဆေးရန် သဘောတူညီလိုက်သည်။

ထို့ကြောင့် တီးမားသည် သူနှုတ်ထွက်တော့မည်ဖြစ်ကြောင်း ရုပ်မြင်သံကြားမှတဆင့် ကြေညာမည်ဟု လူအများ က ထင်ကြေးပေးခဲ့ကြသည်။ သို့သော်လည်း လက်ဝဲယိမ်းသမ္မတ ဒီလ်မာရော့ဆက်ဖ်၏ ရာထူးအား ပြီးခဲ့သော နှစ်က ဆက်ခံခဲ့ကာ ဘရာဇီးနိုင်ငံအား ပြန်လည်တည်ငြိမ်အောင် လုပ်ဆောင်မည်ဟု ကတိပေးခဲ့သော တီးမား သည် အများ၏ ထင်မြင်ချက်နှင့် ဆန့်ကျင်ကာ သူလုံး၀   နှုတ်ထွက်မည် မဟုတ်ကြောင်း ကြေညာခဲ့သည်။

ဘရာဇီးနိုင်ငံ၏၂ နှစ်တာခန့် ကြုံတွေ့နေရသော စီးပွားရေးကျဆင်းမှုသည် မကြာခင်တွင် အဆုံးသတ်တော့မည် ဖြစ်ကြောင်းနှင့် လွှတ်တော်ထဲ၌ သူအဆိုပြုခဲ့သည့်   ခြိုးခြံရေးအစီအမံကြောင့်   ကောင်းမွန်သောအရာများ ပြန်လည်ရရှိတော့မည်ဖြစ်ကြောင်း တီးမားက အသားပေးပြောဆိုခဲ့သည်။

ဒါ့အပြင် သူ့ကို ဝေဖန်ပြစ်တင်ပြီး နှုတ်ထွက်ရန် တောင်းဆိုနေကြသော ကြိုးပမ်းမှုများသည် အရာထင်မည် မဟုတ်ကြောင်း သူက သတိပေးခဲ့သည်။