ဧပြီ ၂၄၊။ ။ မောင်တောမြို့နယ် နယ်မြေ ၄ လိပ်ရလမ်းဆုံအနီး၌ ကြိမ်ချောင်းနယ်မြေရဲစခန်းမှ လုံခြုံရေးတပ်ဖွဲ့ဝင်များ လှည့်ကင်းဆောင်ရွက်နေစဉ် အခကြေးငွေယူ၍ WY ဆေးပြား ရ၀၀၀ သြယ်ဆောင်လာသူနှစ်ဦးအား ဧပြီ ၂၃ ရက် ညနေ ၄ နာရီခွဲတွင် ဖမ်းဆီးရမိခဲ့သည်။
ဖြစ်စဉ်မှာ မောင်တောမြို့နယ် ရွှေဇားကျေးရွာနေသူများဖြစ်သည့် မူဟာမက်အလီယက် ၂၇ နှစ် နှင့် ဟာမီတူဆောင်း ၄၀ နှစ်တို့နှစ်ဦး စီးလာသည့် ဆိုင်ကယ်အား ရပ်တန့်စေပြီးရှာဖွေစစ်ဆေးရာ အာလူး၊ ငါးခြောက်၊ ဆပ်ပြာမှုန့်ထုပ်များဖြင့်ရော၍ သယ်ဆောင်လာသောWY ဆေးပြား ရ၀၀၀ ပြား ကာလတန်ဖိုးငွေ ၁၄ သိန်းဖိုး အား ဖမ်းဆီးသိမ်းဆည်းရမိခဲ့သည်ဟု နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီမှ ထုတ်ပြန်သည်။
၎င်းတို့နှစ်ဦးအား မေးမြန်းစစ်ဆေးရာ ရွှေဇား(ကန်ဘဲ့)ရွာနေ အဒူ ၃၅ နှစ် မှ သယ်ဆောင်ခ ငွေ ၅၀၀၀၀ ကျပ်ပေး၍ တောင်ပြို(ယာ)မြို့ နေ ဒီမာမောက် ၂၄ နှစ်ထံ ပို့ဆောင်ရန် ထွက်လာစဉ် ဖမ်းဆီးခံရခြင်းဖြစ်ကြောင်း သိရသည်။
ဖမ်းဆီးရမိသူများအား ဥပဒေလုပ်ထုံးလုပ်နည်းများနှင့်အညီ အမှုဖွင့်အရေးယူနိုင်ရေး ဆောင်ရွက်လျက်ရှိကြောင်းသိရသည်
