မတ် ၂၆၊ ။ ။ မောင်တောမြို့နယ်အတွင်း WY ဆေးပြား ၁၈၀၀၀၀ ကျော် ပိုင်ရှင်မဲ့သိမ်းဆည်းရမိခဲ့ကြောင်း နိုင်ငံတော်အတိုင်ပင်ခံရုံးမှ သတင်းထုတ်ပြန်သည်။
ဖြစ်စဉ်မှာ တပ်မတော် (ရေ)မှ ကင်းလှည့်စဉ် ဦးရှည်ကျချောင်းဝအနီး၌ မတ် ၂၅ ရက် ည ၁၀ နာရီ တွင် မသင်္ကာဖွယ် လောင်းလှေတစ်စီးအား တွေ့ရှိ၍ မီးအချက်ပြခေါ်ယူခဲ့ရာ လာရောက်ခြင်းမရှိဘဲ ထွက်ပြေးသွားခဲ့သည်ဟု သိရသည်။
မတ်လ ၂၅ ရက်၊ ည ၁၀ နာရီ မိနစ်၄၀ တွင် ရွက်ညိုတောင်ချောင်းဝ၏ အနောက်ဘက် မီတာ ၂၀၀၀ ခန့် အကွာအရောက်၌ အလျားပေ ၂၀ ၊ အနံ ၃ ပေခန့်ရှိသော လောင်းလှေတစ်စီးအား တွေ့ရှိ၍ သွားရောက်စစ်ဆေးရာ မသင်္ကာဖွယ်အထုပ်တစ်ထုပ်အတွင်းမှ ငွေကျပ် သိန်းပေါင်း ၃၆၀၀ တန်ဖိုးရှိ WY ဆေးပြား ၁၈၀၀၀၀ ပြား များအား ပိုင်ရှင်မဲ့ သိမ်းဆည်းရမိခဲ့သည်။
သိမ်းဆည်းခဲ့သော လောင်းလှေတစ်စီးနှင့် မူးယစ်ဆေးဝါးများကို မောင်တောမြို့နယ် မူးယစ်တပ်ဖွဲ့စုသို့ စနစ်တကျလွှဲပြောင်းအပ်နှံခဲ့ပြီး အမှုဖွင့်အရေးယူနိုင်ရန် ဆောင်ရွက်လျှက်ရှိကြောင်းသိရသည်။
