ကမ္ဘောဒီးယား၏ ခက်ခဲသောနှစ်နှင့် နိုင်ငံရေးအကြောင်း ဖွင့်ချပြခဲ့သော အင်ဂျလီနာဂျိုလီ

ကမ္ဘောဒီးယား၏ ခက်ခဲသောနှစ်နှင့် နိုင်ငံရေးအကြောင်း ဖွင့်ချပြခဲ့သော အင်ဂျလီနာဂျိုလီ

နာမည်ကျော်မင်းသမီး အင်ဂျလီနာဂျိုလီသည် ကမ္ဘောဒီးယားတွင် လုပ်မည့်သူမ၏ ရုပ်ရှင်အထူးပြသပွဲမတိုင်မီတွင် သူမကို လှုပ်နှိုးစေခဲ့သော ကမ္ဘောဒီးယားနိုင်ငံ၏ အခြေအနေကြောင်း ဖွင့်ဟပြောဆိုခဲ့သည်။

ခမာနီတို့ မျိုးတုန်းသတ်ဖြတ်ခံရသည်ကိုမြင်တွေ့ခဲ့ရသော ကလေးငယ်တစ်ဦး၏ ကိုယ်တွေ့ဖြစ်ရပ်ကိုရိုက်ကူး ထားသည့် First They Killed My Father ဇာတ်ကားရုံတင်မပြသခင်တွင် ဂျိုလီသည် အထူးသီးသန့်အင်တာ ဗျူးတစ်ခုလုပ်ခဲ့သည်။

သူမက သူမရိုက်ကူးထားသော ရုပ်ရှင်သည် အဆိုပါ အခိုက်အတန့်ကိုကြုံတွေ့ခဲ့ရပြီး စိတ်ဒဏ်ရာရရှိခဲ့သော ကမ္ဘောဒီးယားလူမျိုးတို့ အနေဖြင့် ထိုကာလအကြောင်း ပိုမိုပွင့်လင်းစွာပြောဆိုစေနိုင်ရန် မျှော်လင့်ပါသည်ဟု ပြောခဲ့သည်။ ခမာနီမျိုးတုန်းသတ်ဖြတ်မှုတွင် လူပေါင်းနှစ်သန်းခန့်သေဆုံးခဲ့ရသည်။

ကမ္ဘာ့ကုလသမဂ္ဂဒုက္ခသည်အေဂျင်စီ၏ အထူးသံတမန်ဖြစ်သောဂျိုလီသည် ၂၀၀၁ခုနှစ်က ထွက်ရှိခဲ့သော သူမ၏ ပေါက်ကား Lara Croft:Tomb Raider ရုပ်ရှင်ရိုက်ကူးစဉ်တွင် ကမ္ဘောဒီးယားလို့ ပထမဦးဆုံးအကြိမ် အလည် အပတ်ရောက်ရှိခဲ့သည်။

ထို့နောက်တွင် သူမသည် ကမ္ဘောဒီးယားမှ မက်ဒေါ့စ်အမည်ရှိ ကလေးငယ်တစ်ဦးကို မွေးစားခဲ့ပြီး သူမမိသားစုထဲ ၌အကြီးဆုံး သားကြီးတစ်ဦးဖြစ်လာသည်။

“ကျွန်မ ဒီနိုင်ငံကိုရောက်ရှိလာခဲ့ပြီး ဒီကလူတွေကို ချစ်မြတ်နိုးခဲ့ပါတယ်။ ပြီးတော့ ဒီနိုင်ငံရဲ့ သမိုင်းကြောင်းကို လေ့လာပြီးတဲ့နောက်မှာ ကျမကမ္ဘာကြီးအကြောင်း သိခဲ့သမျှဟာ အနည်းအကျဉ်းလေးပါပဲ ဆိုတာကို နားလည်ခဲ့ရ ပါတယ်” ဟု သူမက အင်တာဗျူးတွင်ပြောခဲ့သည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly