ဘန်ကောက်၊ ဇန်နဝါရီ ၁၀ ။ ။ သီတင်းပတ်ကြာ မိုးသည်းထန်စွာ ရွာသွန်းမှုများကြောင့် ထိုင်းတောင်ပိုင်းနေရာတော်တော်များများ ရေကြီးရေလွှမ်းမှုများ ကြံုနေရကာ ရေဘေးကြံုပြည်သူ တစ်သန်းကျော်ထက်မနည်းအား အစိုးရက အထောက်အပံ့များ ပိုမိုထောက်ပ့ံနေရလျက်ရှိသည်။
နှစ်ပေါင်း ၅၀ ကျော်အတွင်း အဆိုးဆုံးဖြစ်သည့် ယခုရေဘေးတွင် သေဆုံးသူဦးရေမှာ ၂၅ ဦးရှိသွားပြီး နှစ်ဦးမှာ ပျောက်ဆုံးလျက်ရှိကြောင်း သဘာဝဘေးတားဆီးရေးဌာနက ပြောသည်။
"တောင်ပိုင်းပြည်နယ် ၁၂ ပြည်နယ်မှာ အိမ်ထောင်စုပေါင်း ၃၆၉၆၈၀ က လူပေါင်း ၁ ဒဿ ၁ သန်းကျော် ရေဘေးကြံုနေတာဖြစ်တယ်။" ဟုဌာန၏ အကြီးအကဲ ပရွမ်လတ်က ပြောသည်။
ပြည်သူများအနေဖြင့် ရေကြီးမှုပညာပေးသတိပေးချက်များကို သတိထားနားထောင်သင့်ကြောင်း ဝန်ကြီးချုပ် ပရာယွတ်ချန်အိုချာက ပြောသည်။
ထိုင်းနိုင်ငံသည် ခြောက်သွေ့ရာသီက နိုဝင်ဘာနှောင်းပိုင်းတွင် ကုန်ဆုံးပြီး ဇန်နဝါရီလအတွင်း မိုးသည်းထန်ရေကြီးမှုများက ကြံုခဲသည်။ ယခုရာသီဖောက်ပြန် မိုးသည်းထန်မှုကို ပြည်နယ် ၆၇ ခုရှိရာတွင် ၁၂ ခုက ရင်ဆိုင်နေရကြောင်း တာဝန်ရှိသူများက ဆိုသည်။