ဗိုလ်ချုပ်မှူးကြီး မင်းအောင်လှိုင်က “ အမျိုးသမီးစစ်မှုထမ်းများသည် ယခုသင်တန်းကာလအတွင်း အုပ်ချုပ်မှုအတတ် ပညာသာမက စစ်မှုဆိုင်ရာအတတ်ပညာများကိုပါ သင်ကြားပေးထားပြီး ဖြစ်၍ လိုအပ်လျှင် စစ်မြေပြင်အထိ တိုက်ပွဲဝင်နိုင်ကြမည်ဟု ယုံကြည်ကြောင်း ” ပြောကြားသည်။
ရန်ကုန်မြို့၊ တပ်မတော်(ကြည်း) ဗိုလ်သင်တန်းကျောင်း(မှော်ဘီ) စစ်ရေးပြကွင်း၌ ဒီဇင်ဘာလ ၂၇ ရက်က ကျင်းပပြုလုပ်သည့် ဘွဲ့ရအမျိုးသမီး ဗိုလ်လောင်းသင်တန်း အမှတ်စဉ်(၃) သင်တန်းဆင်းဂုဏ်ပြုစစ်ရေးပြ အခမ်းအနားတွင် ဗိုလ်ချုပ်မှူးကြီး မင်းအောင်လှိုင်က မိန့်ခွန်းပြောရာတွင် ထည့်သွင်းပြောကြားခဲ့ခြင်းဖြစ်သည်။