အလဲဗင်းမီဒီယာဂရု၏ သတင်​းသမားများ ဖမ်းဆီးခံရခြင်းနှင့် ပတ်သတ်၍ မဇ္စျိမက များစွာ စိုးရိမ်မိ

အလဲဗင်းမီဒီယာဂရု၏ သတင်​းသမားများ ဖမ်းဆီးခံရခြင်းနှင့် ပတ်သတ်၍ မဇ္စျိမက များစွာ စိုးရိမ်မိ
 

အလဲဗင်းမီဒီယာဂရု ၏ CEO ဒေါက်တာသန်းထွဋ်အောင် နှင့် အယ်ဒီတာချုပ် ဦးဝေဖြိုးတို့အား ယခုအပတ်ထဲတွင် ဆက်သွယ်ရေး ဥပဒေ ပုဒ်မ ၆၆ (ဃ) (Telecommunications Law) - ဖြင့် ဖမ်းဆီးခြင်း နှင့် တရားစွဲဆိုခြင်းအပေါ် မဇ္စျိမ မီဒီယာဂရုက လေးနက်စွာ စိုးရိမ်မိပါသည်။

ထို သတင်​းသမားနှစ်ဦးမှာ ၂၀၁၃ ခုနှစ် ဆက်သွယ်ရေး ဥပဒေ ပုဒ်မ ၆၆ (ဃ) ဖြင့် ရန်ကုန်တိုင်းအစိုးရ၏ တရားစွဲဆိုခြင်းကို ခံထားရပါသည်။ မူးယစ်ဆေးဝါးအမှှုများဖြင့် ထောင်ကျခဲ့ကာ မကြာမီက လွတ်မြောက်လာခဲ့သူ တစ်ဦးထံမှ အမေရိကန် ဒေါ်လာတစ်သိန်းတန် နာရီကို “ဝန်ကြီးချုပ်တစ်ဦး” က လက်ခံရယူခဲ့ကြောင်း Facebook စာမျက်နှာတွင် တင်ခဲ့ခြင်းကြောင့် တရားစွဲဆို ခံနေရခြင်း ဖြစ်သည်။

ထိုဥပဒေပုဒ်မအား အသုံးပြုခြင်းသည် လွတ်လပ်စွာထုတ်ဖော်ပြောဆိုရေးသားခွင့်ကို များစွာ ထိခိုက်စေပါသည်။ ထိုဥပဒေတွင် အလွန် ယေဘုယျဆန်ကာ ဝေဝါးသော ဝေါဟာရအသုံးအနှှုန်းများ ပါရှိနေပြီး လွတ်လပ်စွာ ထုတ်ဖော်ပြောဆိုရေးသားခွင့်အပေါ် ကန့်သတ်မှှုများ ရှိနေသဖြင့်၊ ဥပဒေတွင် ဝေါဟာရ အသုံးအနှှုန်းများကို ရှင်းလင်းတိကျစွာ ရေးသားထားသင့်ပါသည်။  

 ထိုသတင်​းသမားများအား တရားစွဲဆို ဖမ်းဆီးခြင်းမှာ မီဒီယာကို ခြိမ်းခြောက်ရန် ကြိုးပမ်းမှှု နှင့် ၎င်းတို့၏ လုပ်ငန်းတာဝန်များကို မလုပ်နိုင်အောင် တားဆီးမှှု အဖြစ် ရှှုမြင်မိပါသည်။ မီဒီယာလွတ်လပ်ခွင့်နှင့် ပတ်သတ်လျှင် ဤ အဖြစ်အပျက်မှာ၊ ဒီမိုကရေစီနည်းကျ ရွေးကောက်တင်မြှောက်ထားသော အရပ်သား အစိုးရသစ် လက်ထက်တွင် ဖြစ်သင့်သော အနေအထားမျိုး မဟုတ်ပေ။

ဤ သဘောသဘာဝမျိုးရှိသည့် ကိစ္စရပ်များအား မြန်မာနိုင်ငံသတင်းမီဒီယာကောင်စီမှ တဆင့် ညှိနှိှုင်းဖြေရှင်းသည့် နည်းလမ်း ရှိပါသည်။ အသရေဖျက်မှှုဟု ယူဆရသော အရေးအသားမျိုးကို မီဒီယာတစ်ခုက ရည်ရွယ်ချက်ရှိရှိဖြစ်စေ၊ မတော်တဆ ဖြစ်စေ ရေးသားလာပါက တိုင်ကြားလိုသူများသည် ထိုအငြင်းပွားစရာ ကိစ္စရပ်ကို သတင်းမီဒီယာကောင်စီထံ တင်ပြနိုင်ပါသည်။ ဥပမာအားဖြင့် အင်ဒိုနီးရှားတွင် မီဒီယာနှင့် ပတ်သတ်သော အမှှုပြဿနာများကို သတင်းမီဒီယာကောင်စီတွင် အရင်တင်ပြရန် လိုအပ်ကာ၊ ၎င်းတို့ကို ကောင်စီတွင် အပြည့်အဝ မဖြေရှင်းနိုင်မှသာ၊ အမှှုပြဿနာများသည် တရားရုံးများသို့ ရောက်ရှိလေ့ရှိသည်။

 မဇ္စျိမသည် မီဒီယာလွတ်လပ်ခွင့်ကို လိုလားသော မီဒီယာဖြစ်ရာ၊ စာနယ်ဇင်းလွတ်လပ်ခွင့်ကို အကြီးအကျယ် ကန့်သတ်နိုင်သည့် ဥပဒေ အသုံးပြုမှှုမျိုးနှင့် ပတ်သက်​၍ စိုးရိမ်မကင်း ဖြစ်မိပါသည်။ ယခုအပတ်ထဲတွင် ကျင်းပခဲ့သည့် မီဒီယာကွန်ဖရင့်တစ်ခုတွင် မြန်မာ အစိုးရဝန်ကြီး တစ်ဦးက ၎င်းတို့အနေဖြင့် မီဒီယာလွတ်လပ်ခွင့်အတွက် ဆောင်ရွက်လျက်ရှိကြောင်း ထပ်လောင်းပြောကြားခဲ့ပါသည်။  

မဇ္စျိမသည်လည်း အလဲဗင်းမီဒီယာဂရု၏ သတင်းထောက်ချုပ် ဦးမာန်သူရှိန်က တရားလိုပြုကာ တရားစွဲဆိုထားသည့် အမှှုတစ်ခုကို ရင်ဆိုင်နေရပါသည်။

 မဇ္စျိမမီဒီယာအား ဦးမာန်သူရှိန်က တရားစွဲဆိုထားသော ရာဇဝတ်ပြစ်မှှုစွဲချက်ကို ရုပ်သိမ်းပေးရန်၊ လွတ်လပ်စွာထုတ်ဖော်ပြောဆိုခွင့်အတွက် လှှုပ်ရှားဆောင်ရွက်လျက်ရှိသည့် ဗြိတိန် အန်ဂျီအို Article 19 အဖွဲ့က တိုက်တွန်းခဲ့သည်။ မဇ္စျိမ၏ အွန်လိုင်းတွင် ဖော်ပြခဲ့သော ဦးစည်သူအောင်မြင့်၏ ဆောင်းပါးတစ်ပုဒ်နှင့် ပတ်သက်​၍ ဦးမာန်သူရှိန်သည် မဇ္စျိမကို ဆက်​သွယ်​​ရေးဥပဒေပုဒ်မ  (Electronic Transactions Law) ဖြင့် အမှှုဖွင့်ခဲ့ခြင်းဖြစ်သည်။ မဇ္စျိမသည် ထိုအမှှုနှင့်ပတ်သတ်၍ တရားရုံးတွင် ရင်ဆိုင်နေရဆဲဖြစ်သည်။

Article 19 အဖွဲ့၏ ကြေညာချက်ထဲတွင် “နိုင်ငံတကာ ဥပဒေအရဆိုလျှင် အသရေဖျက်မှှုဆိုင်ရာ စွပ်စွဲချက်များနှင့် ပတ်သက်​၍၊ အရပ်ဘက်တရားရုံးတစ်ခုတွင် တစ်ယောက်ကိုတစ်ယောက် တရားစွဲဆိုခွင့်ရှိကြသော လူနှစ်ယောက်အကြား အရပ်ဘက်ဆိုင်ရာ အမှှုပြဿနာ တစ်ခုသဖွယ်သာ သဘောထားဆောင်ရွက်သင့်သည်” ဟု ရေးသားထားသည်။ အသရေဖျက်မှှုကို ရာဇဝတ်ပြစ်မှှု တစ်ခုကဲ့သို့ သဘောထားကာ ဆက်​သွယ်​​ရေး ဥပဒေဖြင့် တရားစွဲဆိုခြင်းမှာ ဒီမိုကရေစီ နှင့် မသင့်တော်ပါ။ ဒေါက်တာ သန်းထွဋ််အောင် နှင့် ဦးဝေဖြိုးတို့၏ ယခု အမှှုတွင်လည်း ထိုကဲ့သို့ တူညီသည့် အခြေခံစည်းမျဉ်းကို ကျင့်သုံးသင့်ကြောင်း မဇ္စျိမက ယုံကြည်မိပါသည်။

နောက်ဆုံးရသတင်းတွေကို နေ့စဉ် အခမဲ့ဖတ်ရှုနိုင်ဖို့ သင့် အီးမေးလ်ကို ဒီနေရာမှာ စာရင်းသွင်းလိုက်ပါ။

* indicates required

Mizzima Weekly