အလုပ်မြန်မြန်ပြီးစေမယ့်နည်းလမ်းကောင်းများ လုပ်ငန်းခွင်မှာ အလုပ်တွေကို မြန်မြန်ပြီးစေမယ့် နည်းလမ်းကောင်းများကို ဖော်ပြပေးလိုက်ရပါတယ်။
အလုပ်ခွင်မှာ ခဏတာအနားယူချိန်ထားရှိပါ
အလုပ်ရောက်ကတည်းက တစ်ဆက်တည်း အလုပ်လုပ်နေတာထက်စာရင် အချိန်တိုလေးတွေ အနားယူပေးခြင်းဟာ အလုပ်ပိုလုပ်နိုင်စွမ်းရှိပါတယ်။ ဥပမာ အလုပ်အကြာကြီး လုပ်နေရင်း ခဏတာလောက် လေကောင်းလေသန့်ရှူပေးတာမျိုး၊ လမ်းခဏလောက်လျှောက်ပေးတာမျိုး လုပ်ပေးသင့်ပါတယ်။
Deadline သတ်မှတ်ထားပါ
ဘယ်တာဝန်တွေကို ဘယ်အချိန်မှာ ပြီးစီးအောင်လုပ်မယ်ဆိုတာမျိုး အချိန်သတ်မှတ်ထားခြင်းဟာ အလုပ်တာဝန်တွေကို မြန်မြန်ပြီးစေပြီး စိတ်ဖိစီးမှုကလည်း ကင်းဝေးစေပါတယ်။
တစ်ချိန်တည်းမှာ အလုပ်တွေ အများကြီးလုပ်တာကို ရှောင်ပါ
တစ်ချိန်တည်းမှာ အလုပ်တာဝန်တွေအများကြီးယူတာက အချိန်ပိုကုန်စေပြီး အလုပ်ပြီးတာ နှေးစေပါတယ်။ ဒါ့ကြောင့် အလုပ်တာဝန်တစ်ခုပြီးမှ တစ်ခု လုပ်တာ ပိုကောင်းပါတယ်။
တစ်ခုတည်းမှာ အချိန်မဖြုန်းပါနဲ့
ဘယ်အရာကမှ ပြီးပြည့်စုံတယ်မရှိပါဘူး။ ဒါ့ကြောင့် အလုပ်တာဝန်တစ်ခုတည်းကို ပြီးပြည့်စုံအောင် လုပ်ဖို့အတွက်နဲ့ အချိန်အများကြီးမပေးပါနဲ့။
Notification တွေအားလုံးကို ပိတ်ထားပါ
အီးမေးလ်၊ ဖုန်း ringtone, အစရှိတဲ့ အလုပ်ကို အနှောင့်အယှက်ဖြစ်စေမယ့် အရာအားလုံးကို ပိတ်ထားပါ။
စားပွဲပေါ်မှာ တစ်ခုခုထားပါ
ဥပမာ သင်ချစ်ရတဲ့သူတစ်ယောက်ရဲ့ ဓာတ်ပုံဖြစ်ဖြစ် ပန်းအိုးလေးဖြစ်ဖြစ် မျက်စိပသာဒဖြစ်စေတဲ့ အရာတစ်ခုခုကို စားပွဲပေါ်မှာ တင်ထားခြင်းဟာ သင့်စိတ်ကို လန်းဆန်းစေပါတယ်။
