မြိတ်၊ ဇူလိုင်- ၃၀ ။ ။ ယာယီရပ်နားခဲ့သည့် မြိတ်သစ်ပါးလွှာ အထပ်သား စက်ရုံအလုပ်သမားများ နစ်နာကြေးကိစ္စ နှစ်အလိုက် နှုန်း ထားများအတိုင်း ဥပဒေနှင့်အညီ ညှိနှိုင်းဆောင်ရွက်ပေးခဲ့ရာ ပြေလည်မှုရရှိခဲ့သည်ဟု မြိတ်မြို့နယ် အလုပ်သ မားရေးရာ ညှိနှိုင်းဖြန်ဖြေရေးအဖွ့ဲ တာဝန်ရှိသူက ဇူလိုင်(၃၀)တွင် မဖ္ဈိမကို ပြောသည်။
“ ကျွန်မတို့အနေနဲ့ အလုပ်သမားတွေကို စက်ရုံယာယီရပ်နားခဲ့တဲ့အတွက် သတိပေးစာနောက်ကျကြေးတို့ ၊စက် ရုံပိတ် နစ်နာကြေးတွေကို ဝန်ကြီးဌာနရဲ့ ပြဌာန်းချက်အတိုင်းပဲ ဥပဒေနဲ့အညီ ညှိနှိုင်းဆောင်ရွက်ပေးခဲ့တာပါ။ အ ခု ဆိုရင် ဒါ ပြေလည်မှုရသွားပါပြီ” ဟု ၎င်းက ပြောသည်။
ဇူလိုင်လ ၃၀ ရက်နေ့က ယင်း စက်ရုံ အလုပ်သမားများအား နစ်နာကြေးပေးအပ်စဉ်တွင် သူမက ပြောကြားခဲ့ ခြင်း ဖြစ်သည်။
စက်ရုံယာယီရပ်နားမည်ဖြစ်သည့်အတွက် နစ်နာကြေးကိစ္စကို အလုပ်သမား၊ အ လုပ်ရှင်နှင့် မြိတ်မြို့နယ် အ လုပ်သမားရေးရာညှိနှိုင်းဖြန်ဖြေရေးအဖွဲ့တို့အပြင် မြို့နယ်အုပ်ချုပ်ရေးမှူးတို့ ပါဝင်၍ ဇူလိုင်(၂၁) ရက်က ညှိနှိုင်း ဖြေ ရှင်းခဲ့ကြပြီး ဇူလိုင်(၃၀)တွင် နစ်နာကြေးအပြီးသတ်ပေးသွားမည်ဖြစ်ကြောင်းပြောဆိုခဲ့ရာ အလုပ် သမား အချို့က နစ်နာကြေးသုံးလစာ ရယူလိုကြောင်း ပြောဆိုခဲ့ကြသေးသည်။
သို့သော်လည်း နစ်နာကြေး ပေးအပ်သည့် အချိန်တွင်မူ အလုပ်သမားရေးရာဝန်ကြီးဌာန၏ နှစ်အလိုက်သတ် မှတ် လျော်ကြေးနှုန်းထားများအတိုင်း ပေးအပ်မှုကို အလုပ်သမားများအနေဖြင့် ကျေနပ်ခဲ့ကြပြီး ၊ အသိပေးစာ နောက်ကျမှုအတွက် ၁၃ ရက်စာအဖြစ် ရသင့်ရထိုက်သည့် လျော်ကြေး ငွေများကိုပါ တစ်ပါးတည်း ခံစားခွင့် ရရှိခဲ့သည်ဟု သိရသည်။
အဆိုပါ စက်ရုံသည် ဇူလိုင်(၂၆)ရက်တွင် စတင်၍ ယာယီရပ်နားခဲ့ပြီး သစ်ကုန်ကြမ်းရရှိမှုအပေါ်မူတည်၍ လုပ် ငန်းပြန်လည်လုပ်ကိုင်မှုကို စဉ်းစားသွားမည်ဖြစ်ကြောင်း စက်ရုံကို ဦးစီးလုပ်ကိုင်သူ Mr.ANSHULJAIN က ပြော ဆို ခဲ့ပြီး ဖြစ်သည်။
စက်ရုံရပ်နားမှု နောက်ဆက်တွဲအဖြစ် အလုပ်သမား(၁၀၀)ကျော်တို့ အလုပ်အကိုင်အသစ်ပြန်လည်ရရှိရေး အတွက် လိုအပ်ချက်ရှိလာခဲ့ပြီး လက်ရှိအချိန်တွင် ၎င်းတို့အနေဖြင့် အလုပ်အကိုင် ရှာဖွေနေဆဲဖြစ်ကြောင်း နစ်နာကြေး လာရောက်ထုတ်ယူသည့် အလုပ်သမားတစ်ဦးက ဆိုသည်။
တနင်္သာရီတိုင်း တစ်တိုင်းလုံးတွင် သစ်ပါးလွှာစက်ရုံအနေဖြင့် တစ်ခုတည်းသာရှိသည့် စက်ရုံဖြစ်ပြီး ၂၀၁၆ ခုနှစ်တွင် သစ်ကုန်ကြမ်းမရရှိတော့သဖြင့် ယာယီရပ်နားခဲ့ရခြင်း ဖြစ်သည်။
