ဗြိတိသျှထီးနန်း၏ သရဖူမှစိန်ပွင့်ကြီးကို ဘုရင်မကြီးကသာဆက်လက်ထိန်းသိမ်းခွင့်ရသင့်ကြောင်း အိန္ဒိယ ၀န်ကြီးချုပ် ပြော

.

နယူးဒေလီ၊ ဧပြီ၊ ၁၉ ။           ။ ဗြိတိသျှဘုရင်မကြီး၏ သရဖူမှစိန်ပွင့်ကြီးကို အိန္ဒိယနိုင်ငံဘက်မှ ပြန်လည်ရသင့်ကြောင်းတောင်းခံနေမှုများကို လက်လျှော့လိုက်သင့်ပြီး ယင်းစိန်ပွင့်ကို ဘုရင်မကြီးကသာဆက်လက်ထိန်းသိမ်းခွင့်ရသင့်ကြောင်း ၀န်ကြီးချုပ် နာရင်ဒါမိုဒီက နိုင်ငံတော်အထက်တရားရုံးချုပ်တွင် ပြောကြားလိုက်သည်။

၁၀၅ ကာရတ်ရှိပြီး ကမ္ဘာ့အကြီးဆုံးစိန်ကြီးတစ်လုံးဖြစ်သော ယင်းစိန်ကြီးသည် ဗြိတိသျှထီးနန်း၏ သရဖူတွင် ရတနာ တစ်ပါးအဖြစ်ရှိနေခဲ့သည်မှာ နှစ်ပေါင်း ၁၅၀ ခန့်ရှိနေပြီဖြစ်သည်။

ထိုစိန်ကြီးကို အိန္ဒိယနိုင်ငံကို ကိုလိုနီအဖြစ်သိမ်းပိုက်ခဲ့ခြင်းအတွက် ဗြိတိသျှတို့က ပြေရာပြေကြောင်းအဖြစ် မူလပိုင်ရှင် ဖြစ်သည့် မိခင်နိုင်ငံကိုပြန်လည်ပေးအပ်သင့်ကြောင့် အိန္ဒိယနိုင်ငံသားအများအပြားက ကာလကြာရှည်တောင်းဆို လျှက်ရှိရာ ယင်း စိန်ကြီးအရေးမှာ နှစ်နိုင်ငံသံတမန်ဆက်ဆံရေးတွင် အဖုအထစ်တစ်ခုအဖြစ် ရှိနေခဲ့သည်။

သို့သော် ယခုအခါတွင် အိန္ဒိယ၀န်ကြီးချုပ် နာရင်ဒါမိုဒီက ထိုစိန်ကြီးကို ဗြိတိသျှတို့က ခိုးယူသွားခြင်း၊ လုယူသွားခြင်း မဟုတ်ဘဲ အိန္ဒိယဘုရင်မဟာရာဂျာရန်ဂျစ်ဆင်းဂ်ျက ၁၈၁၅ ခုနှစ်တွင် ဗြိတိသျှတို့ကို လက်ဆောင်အဖြစ်ဆက်သခဲ့ခြင်း ဖြစ်ရာ ထိုစိန်ကြီးကို ဗြိတိသျှတို့ကသာ ဆက်လက်ထိန်းသိမ်းခွင့်ရှိသင့်ကြောင်း တရားရုံးချုပ်တွင် ပြောကြားလိုက်သည်။

အဆိုပါစိန်ပွင့်ကြီးတပ်ဆင်ထားသော သရဖူကို လက်ရှိဗြိတိသျှဘုရင်မကြီး၏မိခင် အယ်လီဇာဘတ်ဘုရင်မကြီးက ၁၉၃၇ ခုနှစ်က သူမ၏ခင်ပွန်း သတ္တမမြောက်ဂျော့ခ်ျ နန်းတက်ပွဲတွင် ၀တ်ဆင်ခဲ့ပြီး ၂၀၀၂ ခုနှစ်တွင် သူမ၏ ဈာပနအခမ်းအနား၌ လည်း သူမ၏အခေါင်းပေါ်တွင် ထားရှိခဲ့သည်။

ဗြိတိသျှဝန်ကြီးချုပ် ဒေးဗစ်ကင်မရွန်းကလည်း ၂၀၁၀ ခုနှစ်က အိန္ဒိယနိုင်ငံသို့ အလည်အပတ်လာရောက်စဉ်တွင် စိန်ကြီးကို လန်ဒန်မြို့တွင်သာဆက်လက်ထားရှိသွားမည်ဖြစ်ကြောင်း ပြောကြားခဲ့သည်။

စိန်ကြီးကို ပြန်လည်တောင်းခံနေသည့် အိန္ဒိယတက်ကြွလှုပ်ရှားသူများကမူ ယင်းစိန်ကြီးမှာ အိန္ဒိယကို ကိုလိုနီအဖြစ် သိမ်းပိုက်ထားစဉ်က ဗြိတိသျှတို့သိမ်းပိုက်ရယူသွားသည့် ယဉ်ကျေးမှုအသုံးအဆောင်ပစ္စည်းများအနက်မှ တစ်ခုအဖြစ် မှတ်ယူလျှက် ရှိကြသည်။