မန္တလေး၊ ဧပြီ ၁ ။ ။ မန္တလေးမြို့၊ အောင်မြေသာစံမြို့နယ်၊ အမှတ်(၄)ရဲစခန်းအပိုင် နယ်မြေအတွင်းရှိ ဆေးဆိုင်များကို စခန်းမှူး ရဲအုပ်မြတ်ကျော်သူ ဦးဆောင်၍ ရပ်ကွက်အုပ်ချုပ်ရေးမှူးနှင့် ကျန်းမာရေးဝန်ထမ်းများပါဝင်သော ပူးပေါင်းအဖွဲ့က လိုက်လံစစ်ဆေးနေသည်ကိုတွေ့ရသည်။
သြင်္ကန်ကာလ၌ မှုခင်းများလျှော့နည်းကျဆင်းစေရန် အတွက် တားမြစ်ဆေးဝါးများ၊ ကာမစိတ်ကြွဆေးဝါးများ နှင့်မူးယစ်ဆေးဝါးများ ရောင်းချခြင်းမပြုလုပ်နိုင်ရန် ဧပြီလ ၁ ရက်၊နံနက် ၉ နာရီက လိုက်လံ စစ်ဆေးနေခြင်းဖြစ်သည်။
အဆိုပါ အပိုင်ရဲစခန်းနယ်မြေအတွင်း အမရဌာနီ အရှေ့ရပ်ကွက်နှင့်အမရဌာနီ အနောက်ရပ်ကွက်တို့ရှိ "ဘေသဇ္ဇ၊ချမ်းဝိမ့်ရွှေ၊ မင်းမဟာ၊မြင့်မိုဃ်၊ မင်းထက်၊ဟိန်းဦး၊ အလင်းသစ်နှင့် သီတာအေး"ဆေးဆိုင် တို့ကို ဝင်ရောက်စစ်ဆေးခဲ့ရာ တားမြစ်ဆေးဝါး၊ ကာမစိတ်ကြွဆေးနှင့် မူးယစ်ဆေးများ ရောင်းချခြင်းမရှိကြောင်း ပူးပေါင်းစစ်ဆေးရေးအဖွဲ့ထံက သိရသည်။
အမှတ်(၄)ရဲစခန်းအပိုင်နယ်မြေအတွင်း ကျန်ရှိနေသေးသည့် ညောင်ကွဲရပ်ကွက်၊ပြည်လုံးချမ်းသာရပ် ကွက်နှင့်ပြည်ကြီးရန်လုံ ရပ်ကွက်တို့ရှိ ဆေးဆိုင်များကိုလည်း ဝင်ရောက်စစ်ဆေးမှု များပြုလုပ် သွားမည်ဖြစ်သည်။
