မကွေးတိုင်းဒေသကြီး၊ တောင်တွင်းကြီးမြို့နယ်၊ အိုးပေါက်ကျေးရွာအုပ်စု၊ အိုးပေါက်(ဘူတာ)ကျေးရွာတွင် ယနေ့ မတ်(၂၇)ရက် နေ့လည်(၁၁)နာရီခွဲအချိန်ခန့်တွင် တောမီးလောင်ကျွမ်းရာမှ စတင်ကာ အဆိုပါကျေးရွာ ရှိ နေအိမ်များသို့ မီးပွားကြကာ မီးလောင်မှုဖြစ်ပွားခဲ့ကြောင်း တောင်တွင်ကြီးမီးသတ်ဦးစီးဌာနမှ သိရှိရသည်။
အဆိုပါတောမီးသည် အိုးပေါက်ရွာ ဦးထွန်းနိုင်နေအိမ်ပေါ်သို့ မီးပွားကျကာ စတင်လောင်ကျွမ်းခြင်းဖြစ်ကြောင်း ကနဦး မေးမြန်းချက်များအရ သိရသည်။
မီးလောင်မှုကြောင့် နေအိမ်(၂၀)လုံးခန့် ၊ အခြားအဆောက်အဦး(၁၀)လုံးခန့် ၊ စုစုပေါင်း အဆောက်အဦး(၃၀)လုံးခန့် မီးလောင်ကျွမ်းခဲ့ရပြီး ဒေသခံပြည်သူများ ဝိုင်းဝန်းငြိမ်းသတ်မှုကြောင့် မွန်းလွဲ(၁၂)နာရီ (၃၀)မိနစ်အချိန်ခန့်တွင် မီးညွန့်ကျိုးခဲ့ကြောင်း ကနဦးသတင်းရရှိသည်။
အဆိုပါကျေးရွာသည် မီးရထားလမ်းတစ်ခုတည်းသာ သွားလာနေရသော လမ်းပန်းဆက်သွယ်ရေးဖြစ်ပြီး မီးသတ်ယာဉ် ၊ ရေသယ်ယာဉ်များ သွားလာရန် ကားလမ်း
လုံးဝမပေါက်သောကြောင့် တောင်တွင်းကြီးမြို့မှ မီးသတ်ကား ၃စီး၊ဆတ်သွားရွာမှ မီးသတ်ကား ၁စီး သွာရောက်ခဲ့သော်လည်း ကုက္ကိုကုန်းရွာအထိသာ သွားနိုင်ခဲ့ကြောင်း တောင်တွင်းကြီး မီးသတ်ဦးစီးဌာနက မဇ္ဈိမသို့ပြောသည်။
"အခုအချိန်အထိ ဒီကသွားတဲ့ တာဝန်ရှိသူတွေ ပြန်မရောက်သေးတော့ သတင်အချက်အလက် အတည်ပြုချက် အတိအကျ ပေးမရသေးပါ"ဟု တောင်တွင်းကြီး မီးသတ်ဦးစီးဌာနမှပြောသည်။
