မင်္ဂလာပွဲအတွက် ပြင်ဆင်မှုများ ပြီးစီးလုနီးပါး ဖြစ်နေပြီဖြစ်တဲ့ ဘေယောင်ဂျွန်းတို့ စုံတွဲ

မင်္ဂလာပွဲအတွက် ပြင်ဆင်မှုများ ပြီးစီးလုနီးပါး ဖြစ်နေပြီဖြစ်တဲ့ ဘေယောင်ဂျွန်းတို့ စုံတွဲ

(ဆိုးလ်)။ ။ မင်းသား ဘေယောင်ဂျွန်းနှင့် မင်းသမီး ပက်ခ်ဆိုဂျင်တို့သည် မကြာမီကျင်းပမည့် ၎င်းတို့၏ မင်္ဂလာပွဲ အတွက် ပြင်ဆင်မှုများ ပြီးစီးလုနီးပါး ဖြစ်နေပြီး မင်္ဂလာပွဲတွင် ပက်ခ်ဝတ်ဆင်မည့် ဂါဝန်ကိုလည်း ရွေးချယ်ပြီးပြီဖြစ်ကြောင်း ထုတ်ပြန်ချက်တွင် ဖော်ပြထားသည်။

ဘေယောင်ဂျွန်းနှင့် ပက်ခ်ဆိုဂျင်တို့သည် မင်္ဂလာမှတ်တမ်းတင် ဓာတ်ပုံများလည်း ရိုက်ပြီးပြီဖြစ်သော်လည်း မင်္ဂလာပွဲ ကျင်းပမည့်ရက်ကို ယခုအချိန်ထိ မဆုံးဖြတ်ရသေးကြောင်း ပက်ခ်၏ အေဂျင်စီ Keyeast က ပြောကြားသည်။

၎င်းတို့ နှစ်ဦးသည် မင်္ဂလာဆောင်မည့်ရက်ကို ရွေးချယ်မှုများ လုပ်ဆောင်လျက်ရှိကြောင်း အေဂျင်စီက ပြောကြားသည်။

ဘေယောင်ဂျွန်းနှင့် ပက်ဆိုဂျင်တို့က စက်တင်ဘာ သို့မဟုတ် အောက်တိုဘာလထဲတွင် မင်္ဂလာပွဲ ကျင်းပသွားနိုင်ဖွယ်ရှိကြောင်း ကနဦးက ပြောကြားခဲ့သည်။

ဘေယောင်ဂျွန်းနှင့် ပက်ခ်ဆိုဂျင်တို့သည် မင်္ဂလာဓာတ်ပုံများကို သတိုးသမီး အရန်များဖြစ်သော ဝန်ဂျီဟေး၊ ကင်ဆောင်အန်၊ လီယောင်ဒိုနှင့် သတိုးသား အရန်များနှင့်အတူ ဓာတ်ပုံရိုက်ခဲ့ကြသည်။

Mizzima Weekly