ထိုင်းနိုင်ငံသို့ နှစ်ထပ်ကား ပစ္စည်းထားရာ အကန့်တွင်းမှ ခိုးဝင်လာသော မြန်မာ ၁၁ ဦး အဖမ်းခံရ

ထိုင်းနိုင်ငံသို့ နှစ်ထပ်ကား ပစ္စည်းထားရာ အကန့်တွင်းမှ ခိုးဝင်လာသော မြန်မာ ၁၁ ဦး အဖမ်းခံရ
Photo credit - วันนี้ที่ แม่สอด อ.แม่สอด

ထိုင်းနိုင်ငံ တက်ခ်ပြည်နယ် မဲဆောက်ခရိုင်အတွင်း ခရီးသည်နှစ်ထပ် ဘတ်စ်ကားတစ်စီး၏ ပစ္စည်းထည့်သို့ကာ အကန့်တွင်း စုပြုံဝင်ရောက်ပြီး နိုင်ငံတွင်း ခိုးဝင်လာသည့် မြန်မာနိုင်ငံသား ၁၁ ဦးအား လုံခြုံရေးအဖွဲ့က ရှာဖွေတွေ့ရှိသည်။

ဘတ်စ်ကားတွင် လေဝင်လေထွက်ပိုကောင်းအောင် ယင်းအကန့်သည် လေပေးစက်စနစ်နှင့် ချိတ်ဆက်ထားသည့် အကန့်ဖြစ်သည်။

ဘန်ကောက်နှင့် အနီးနားပြည်နယ်များတွင် အလုပ်ရမည်ဆို၍ အလုပ်သမားပွဲစားတစ်ဦးအား ထိုင်းဘတ်ငွေ ၈၀၀၀ ပေး၍ ယခုကဲ့သို့ ဝင်လာခြင်းဖြစ်ကြောင်း ခိုးဝင်သည့် မြန်မာနိုင်ငံသားများမှ တစ်ဦးက ပြောသည်။

အဆိုပါ ကားမောင်းသမားကို တရားမဝင်ရွှေ့ပြောင်းသူများ မှောင်ခိုသွင်းယူမှုဖြင့် စစ်ဆေးလျက်ရှိသည်။

ယခုတွေ့ရှိသူ မြန်မာများတွင် ကိုးဦးက အမျိုးသားများဖြစ်ပြီး ကျန်နှစ်ဦးမှာ အမျိုးသမီးများဖြစ်ကာ ၎င်းတို့အား နောက်ထပ်မေးမြန်းစစ်ဆေးမှုများအတွက် မဲဆောက်ရဲစခန်းသို့ ခေါ်ဆောင်ထားသည်။

 

Mizzima Weekly