အရည်အချင်းရှိ မြန်မာလူငယ်များ ပျိုးထောင်ပေးမည့် အဖွဲ့အစည်းကြီးတစ်ရပ် ဂျပန်အစိုးရ ထူထောင်

By Nikkei Asian Review
11 March 2016
အရည်အချင်းရှိ မြန်မာလူငယ်များ ပျိုးထောင်ပေးမည့် အဖွဲ့အစည်းကြီးတစ်ရပ် ဂျပန်အစိုးရ ထူထောင်

မြန်မာ့လူ့စွမ်းအားအရင်းအမြစ် ဖွံ့ဖြိုးတိုးတက်စေရန် ကူညီမည့် အဖွဲ့အစည်းတစ်ရပ်ကို ဂျပန်အစိုးရက သောကြာနေ့တွင် စတင်ထူထောင်တော့မည် ဖြစ်သည်။

ထိုအဖွဲ့အစည်းတွင် မစ်ဆူဘီရှီ၊ ဟစ်တာချီ တို့ကဲ့သို့သော ခိုင်မာအားကောင်းသည့် ဂျပန်စီးပွားရေးလုပ်ငန်းကြီးများ အပါအဝင် စီးပွားရေးလုပ်ငန်းများနှင့် အဖွဲ့အစည်းပေါင်း ၆၀ ခန့်ပါဝင်မည်ဖြစ်ပြီး တိုကျိုတက္ကသိုလ်လည်း ပါဝင်မည် ဖြစ်သည်။

ထိုကဲ့သို လုပ်ငန်းစုံ၊အဖွဲ့အစည်းစုံပါဝင်မည့် ဂျပန်အစိုးရ၏အဖွဲ့အစည်းကြီးမှာ မြန်မာနိုင်ငံမှ လူငယ်များကို ဂျပန်နိုင်ငံသို့ အလုပ်သင်၊ ပညာတော်သင်အဖြစ်ဖိတ်ခေါ်သင်ကြားပေးပြီး ထို့နောက် တွင် ထိုလူငယ်များ၏ အကူအညီနှင့် ဂျပန်စီးပွား ရေးလုပ်ငန်းများက ထွန်းသစ်စစီးပွားရေး ဈေးကွက်ဖြစ်လာမည့် မြန်မာနိုင်ငံသို့ ဈေးကွက် ချဲ့ထွင်သွားမည် ဖြစ်သည်။

ယင်းအဖွဲ့အစည်း၏ လုပ်ငန်းစဉ်များနှင့် ပတ်သတ်ပြီး ယခုနှစ်ကုန်ပိုင်းတွင် မြန်မာနိုင်ငံသို့ လာရောက်ရှင်းလင်းမိတ်ဆက် မည် ဖြစ်ပြီး ဂျပန်နိုင်ငံသို့ သွားရောက်ရန်စိတ်ဝင်စားသူများကို ဖိတ်ခေါ်သွားမည် ဖြစ်သည်။

လက်ရှိအချိန်တွင် မြန်မာနိုင်ငံ၏စီးပွားရေးမှာ ဖွံ့ဖြိုးလာနေပြီး သန်း ၅၀ ကျော်သော နိုင်ငံသား များ၏ ဝင်ငွေမှာလည်း တိုးတက်လာဖွယ်ရှိနေသဖြင့် ဂျပန်အစိုးရသည် နှစ်နိုင်ငံအကြား စက်မှုကဏ္ဍ၊ ပညာရေးကဏ္ဍ၊ အများပြည်သူဆိုင်ရာ ကဏ္ဍများတွင် ပူးပေါင်းဆောင်ရွက်ခြင်းဖြင့် နှစ်ဦးနှစ်ဖက် အကျိုးရှိအောင် လုပ်ဆောင်ရန် မျှော်လင့်လျှက်ရှိသည်။

Mizzima Weekly