နှေးကွေးနေသာ စီးပွားရေးကို တွန်းအားပေးလှုံ့ဆော်ရန် တရုတ်ဗဟိုဘဏ်က အတိုးနှုန်းများ ဖြတ်တောက်လျှော့ချ

နှေးကွေးနေသာ စီးပွားရေးကို တွန်းအားပေးလှုံ့ဆော်ရန် တရုတ်ဗဟိုဘဏ်က အတိုးနှုန်းများ ဖြတ်တောက်လျှော့ချ

ရိုက်တာ (ပေကျင်း)။ ။ တရုတ် ဗဟိုဘဏ်က နှေးကွေးနေသည့် စီးပွားရေးကို လှုပ်ရှားတက်ကြွလာဖို့အတွက် ပြီးခဲ့သည့်နှစ် နိုဝင်ဘာလနောက်ပိုင်းမှာ စတုတ္ထအကြိမ်မြောက်အဖြစ် ၎င်း၏ စံငွေချေးအတိုးနှုန်းကို ၄ ဒသမ ၈၅ ရာခိုင်နှုန်းအထိ ၂၅မှတ် လျှော့ချပစ်လိုက်သည်။

တရုတ်ပြည်သူ့ဘဏ် (PBOC)ကလည်း တစ်နှစ်တာ စံအပ်ငွေအတိုးနှုန်းကို ၂ရာခိုင်နှုန်းအထိ ၂၅ မှတ် လျှော့ချလိုက်သည်ဟု ၎င်း၏ ဝဘ်ဆိုက်တွင် ပြောကြားထားပြီး၊ ဖြတ်တောက်လျှော့ချမှု များမှာ တနင်္ဂနွေနေ့ (ဇွန်၂၈)မှ စတင်အသက်ဝင်မည်ဟု ဆိုသည်။  

PBOC က မေလ ၁၀ရက်နေ့က အတိုးနှုန်းများကို နောက်ဆုံလျှော့ချခဲ့ရာမှာ တစ်နှစ်တာ ငွေချေးအတိုးနှုန်းကို ၅ ဒသမ ၁ ရာခိုင်နှုန်းအထိ ၂၅မှတ်၊ တစ်နှစ်တာ အပ်ငွေအတိုးနှုန်းကို ၂ဒသမ ၂၅ရာခိုင်နှုန်းအထိ ၂၅မှတ် လျှော့ချပစ်ခဲ့သည်။  

ရှယ်ယာဈေး ကျရိပ်ပြနေပြီး စက်ရုံကုန်ထုတ်အား ပိုလျှံမှုနှင့် ပြည်တွင်းကြွေးမြီများကြောင့် တရုတ်၏ စီးပွားရေး ဖွံ့ဖြိုးမှုမှာ ယခုနှစ်တွင် ၇ ရာခိုင်နှုန်းဝန်းကျင်အထိ နှေးကွေးသွားမမည်ဟု ခန့်မှန်းနေကြသည်။

စီးပွားရေးလှုံ့ဆွမှု စီမံကိန်းများ လုပ်ဆောင်နေပေမယ့်လည်း ယင်းပမာဏမှာ ၂၀၁၄ ခုနှစ်က ဖွံ့ဖြိုးမှုပမာဏ ၇.၄ ရာခိုင်နှုန်းထက် လျော့နည်း ကျဆင်းသွားခြင်းပင် ဖြစ်သည်။

စီးပွားရေး ဖွံ့ဖြိုးမှုပူပေါင်း ပေါက်ကွဲနေသောကြောင့် အတိုးနှုန်းတွေ ထပ်မံလျှော့ချဦးမည်ဟု မျှောင်လင့်နေသည့် အချိန်တွင် ပြီးခဲ့သော ရက်သတ္တနှစ်ပတ်အတွင်း တရုတ်စတော့ ဈေးကွက်မှာ ၂၀ ရာခိုင်နှုန်းအထိ ထိုးဆင်းသွားခဲ့သောကြောင့် ယခုကဲ့သို့ အတိုးနှုန်း ဖြတ်တောက်လျှော့ချမှုများ ဖြစ်ပေါ်လာခဲ့ ခြင်းဖြစ်သည်ဟု ဆိုသည်။

Mizzima Weekly