ရန်ကုန်၊ ဖေဖော်ဝါရီ ၁၈ ။ ။ လူမှုကွန်ရက်တွင်ပျံ့နှံ့ခဲ့သော တပ်မတော် သင်တန်းကျောင်း တစ်ခု၌ သင်တန်းသား အချင်းချင်း ပြင်းထန်စွာ အပြစ်ပေးမှုကို တပ် စည်းမျဉ်း ဥပဒေနှင့် အရေးယူသွားမည်ဖြစ်ကြောင်း တပ်မတော်ပိုင် မြဝတီ သတင်းမီဒီယာမှတဆင့် တရားဝင်ထုတ်ပြန်သည်။
အဖြစ်မှန်သိရှိရန်အတွက် သက်ဆိုင်ရာ တပ်မတော် သင်တန်းကျောင်းသို့ ဒုတိယတပ်မတော် လေ့ကျင့်ရေး အရာ ရှိချုပ် ဦးစီးသော စုံစမ်း စစ်ဆေးရေးအဖွဲ့ သွားရောက် စစ်ဆေးခဲ့ရာ ဖြစ်စဉ်မှန်ကန်ကြောင်း တွေ့ရှိရသဖြင့် ဖြစ်စဉ်တွင် ပါဝင်သူများနှင့် တာဝန်ရှိသူများကို တပ်မတော်၏ စည်းမျဉ်း ဥပဒေများနှင့်အညီ အရေးယူဆောင် ရွက်သွားမည်ဖြစ်ကြောင်း သိရသည်။
စစ်စည်းကမ်းသည် တပ်မတော်၏ အသက်သွေး ကြောဖြစ်သဖြင့် စစ်စည်းကမ်းနှင့် ပတ်သက်ပြီး လိုက်နာ လုပ်ဆောင်ရမည့် တပ်မတော် အက်ဥပဒေ၊ နည်းဥပဒေများ၊ အမိန့်နှင့် ညွှန်ကြားချက်များ ကိုလည်း တိကျစွာ ပြဋ္ဌာန်း သတ်မှတ် ထားရှိပြီးဖြစ်သည့်အပြင် တပ်မတော်အနေဖြင့် တပ်တွင်းစည်းလုံး ညီညွတ်မှုအတွက် အုပ် ချုပ်မှုညီညွတ် မျှတစေရေးကိုလည်း အလေးထား ဆောင်ရွက်လျက်ရှိကြောင်း တပ်မတော်ပိုင် သတင်းမီဒီယာက ဖော်ပြထားသည်။
အဆိုပါ တပ်မတော် သင်တန်းသားအချင်းချင်း ပြင်တန်စွာ အပြစ်ပေးနေသည့် ဗီဒီယိုမှတ်တမ်း ဖိုင်သုံးခု ဖေ ဖေါ်ဝါရီ ၃ ရက်နေ့နှင့် ၄ ရက်နေ့တို့တွင် လူမှုကွန်ရက်ပေါ်၌ ပျံ့နံှခဲ့ပြီး ယင်းဗီဒီယို ဖိုင်များနှင့် ပတ် သက် ၍ သတင်းမီဒီယာများ အနေဖြင့်လည်း ဝေဖန်သုံးသပ်ချက်များ စွာ ဖော်ပြခဲ့ကြသည်။
