ဇွန် ၂၈၊ မန်ချက်စတာ။ ။ နည်းပြဗန်ဟားလ်အနေဖြင့် ဟာနန်ဒက်ဇ်ကိုမန်ယူအသင်းတွင် ခြေစွမ်းပြရန်နောက်ထပ်အခွင့်အရေးထပ်ပေးသင့်သည်ဟု မာတာက ယုံကြည်နေသည်။
ပြီးခဲ့သည့်ရာသီက ရီးယဲလ်မက်ဒရစ်အသင်းတွင်အငှားသွားကစားခဲ့သော ဟာနန်ဒက်ဇ်ကို ရီးယဲလ်မက်ဒရစ်အသင်းက စာချုပ်ခြင်းမပြုရန် ဆုံးဖြတ်လိုက်သဖြင့် ယင်းမက္ကဆီကိုလက်ရွေးစင်တိုက်စစ်မှူးမှာ မန်ယူအသင်းသို့ ပြန်လာရမည်ဖြစ်သည်။
အသက် ၂၇ နှစ်အရွယ်ရှိ ဟာနန်ဒက်ဇ်သည် ဗန်ဟားလ်၏လစ်လျူရှုခြင်းမခံရမီက ၂၀၁၀ တွင် ဂွါဒါလာဂျာရာအသင်းမှပြောင်းရွှေ့လာကာစက ခြေစွမ်းပြနိုင်ခဲ့သူဖြစ်သည်။
ဟာနန်ဒက်ဇ်အနေဖြင့် ရွန်နီ၊ ဗန်ပါစီ၊ ဂျိမ်းစ်ဝီလ်ဆင်တို့ကဲ့သို့ ပထမအသင်းသားအဖြစ်ကစားနိုင်စွမ်းရှိသူဖြစ်ကြောင်းပြသကာ ဗန်ဟားလ် မှားယွင်းကြောင်း သက်သေပြနိုင်လိမ့်မည်ဟု မာတာက မျှော်လင့်နေသည်။
"ဖာနန်ဒက်ဇ်ဟာ မန်ယူအသင်းမှာကစားချင်နေတုန်းပဲဖြစ်ပြီး သူကျွန်တော်တို့နဲ့အတူရှိနေတာကိုလည်း ကျွန်တော်သဘောကျပါတယ်။ သူဟာကစားတဲ့အသင်းတိုင်းမှာ ဂိုးသွင်းနိုင်စွမ်းရှိတဲ့ တိုက်စစ်မှူးကောင်းတစ်ဦးပါ။ သူက သူငယ်ချင်းကောင်းလည်းဖြစ်ပါတယ်။ ကျွန်တော် မန်ယူအသင်းကိုရောက်စက သူကသိပ်ကောင်းတဲ့သူငယ်ချင်းဖြစ်ခဲ့ပါတယ်။ လူတစ်ဦးအနေနဲ့ရော ပရော်ဖက်ရှင်နယ်တစ်ဦးအနေနဲ့ပါ ကောင်းမွန်သူပါ။ ကျွန်တော်လေးစားတဲ့သူ့ဆီက အတွေ့အကြုံတွေပြန်မျှဝေတာကိုလည်း ရရှိခဲ့ပါတယ်"ဟု ကွင်းလယ်ကစားသမား မာတာ ကပြောသည်။
ရည်ညွှန်း ဒေးလီးမေးလ်
