ကမ္ဘ့ာဆန် အများဆုံးတင်ပို့သည့် နိုင်ငံအဖြစ် ထိုင်း ပြန်လည်ရောက်ရှိ

.

ထိုင်းနိုင်ငံသည် ၂ဝ၁၄ ခုနှစ်အတွင်းက ပြည်ပသို့ ဆန်တင်ပို့မှု တန်ချိန် ၁ဝ ဒသမ ၈ သန်းရှိခဲ့ပြီး ကမ္ဘာ့ဆန် အများဆုံးတင်ပို့သည့် နိုင်ငံအဆင့်သို့ ပြန်လည်ရောက်ရှိခဲ့ရာ ၂ဝ၁၅ ခုနှစ်အတွင်း တန်ချိန် ၁၁ သန်းအထိ တင်ပို့ရန် ရည်မှန်းထားကြောင်း ထိုင်းကူးသန်းရောင်းဝယ်ရေး ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

ဝ၁၄ ခုနှစ်အတွင်းက တင်ပို့ခဲ့သည့် ဆန်ပမာဏသည် ၂ဝ၁၃ ခုနှစ်ပမာဏထက် ၆၃ ဒသမ ၆ ရာခိုင်နှုန်း မြင့်တက်ခဲ့ပြီး တန်ဖိုးအားဖြင့် အမေရိကန်ဒေါ်လာ ၄ ဒသမ ၄၂ ဘီလီယံမှ ၅ ဒသမ ၃၇ ဘီလီယံ သို့ ၂၂ ရာခိုင်နှုန်း မြင့်တက်ခဲ့ကြောင်း သိရသည်။

ပုဂ္ဂလိကနှင့် အစိုးရကဏ္ဍတို့ ပူးပေါင်း ဆောင်ရွက်မှုကြောင့် ပြည်ပသို့ ဆန်ပိုတင်ပို့ နိုင်ခဲ့ခြင်းဖြစ်ကြောင်း ကူးသန်းရောင်းဝယ် ရေးဝန်ကြီး ဗိုလ်ချုပ်ကြီး ချက်ချိုင်းဆာရီ ကူယာက ပြောကြားသည်။

အိန္ဒိယ၊ ဂျပန်၊ ပါကစ္စတန်၊ အီဂျစ်၊ သီရိလင်္ကာနှင့် နိုင်ဂျီးရီးယားနိုင်ငံများတွင် အထွက် ကျဆင်းသွားသော ကြောင့် ယခုနှစ် အတွင်း၌ ကမ္ဘာ့ဆန်စပါးထွက်ရှိမှုသည် တန်ချိန် ၄၇၅ သန်းသာ ရှိနိုင်ကြောင်း ထိုင်းကူး သန်းရောင်းဝယ်ရေး ဝန်ကြီးဌာနက ခန့်မှန်းထားသည်။

ကမ္ဘာ့ဆန် စားသုံးမှုပမာဏသည် လက်ရှိအချိန်၌ တန်ချိန် ၄၈၃ သန်းရှိနိုင်ပြီး ထွက်ရှိမှု စုစုပေါင်းထက် တန်ချိန် ၇ ဒသမ ၇ သန်း ပိုလျှံနေကြောင်း သိရသည်။

၂ဝ၁၅ ခုနှစ်အတွင်း ကမ္ဘာ့ဆန် ကုန်သွယ်မှုပမာဏသည် ၂ဝ၁၄ ခုနှစ်က တန်ချိန် ၄၁ ဒသမ ၈၈ သန်း ရှိခဲ့ရာမှ ယခုနှစ်အတွင်း အနည်းငယ်မြင့်တက်ပြီး တန်ချိန် ၄၁ ဒသမ ၉ သန်းသို့ ရောက်ရှိလာနိုင်ကြောင်း သိရသည်။ ဝယ်ယူမှုသည် တရုတနိုင်ငံက တန်ချိန် လေးသန်း၊ နိုင်ဂျီးရီးယား က ၃ ဒသမ ၅ သန်း အီရန် နှင့် ဖိလစ်ပိုင်တို့က ၁ ဒသမ ၇ သန်း အသီးသီးရှိနိုင်ကြောင်း ခန့်မှန်းထားသည်။

ဆန်စပါးတင်ပို့မှု ဈေးကွက်ချဲ့ထွင်ရန် နှင့် လက်ရှိဝယ်ယူနေသည့် ကမ္ဘာ့နိုင်ငံများ၏ဈေးကွက်ကို ဆက် လက် ထိန်းသိမ်းထားနိုင်ရန် ထိုင်းအစိုးရသည် ပုဂ္ဂလိကလုပ်ငန်းရှင်များနှင့် ပူးပေါင်း ဆောင်ရွက်သွားမည် ဖြစ်ကြောင်း ဗိုလ်ချုပ်ကြီး ချက်ချိုင်းက ပြောကြားသည်။

ထိုင်းအစိုးရသည် ဆန်စပါးဝယ်ယူဖွယ်ရှိသည့် အာရှ၊ အာဖရိက၊ အရှေ့အလယ်ပိုင်း၊ အီးယူနှင့် အမေရိက တို့မှ နိုင်ငံများကိုလည်း မျှတစွာ အာရုံစိုက်၍ ဈေးကွက် ရှာဖွေသွားမည်ဖြစ်ကြောင်း သိရသည်။

ထိုင်းနိုင်ငံ၏ ဆန်စပါးထွက်ရှိမှုသည် ၂ဝ၁၄-၁၅ ခုနှစ် စိုက်ပျိုးရာသီအတွင်း တန်ချိန် ၂၇ ဒသမ ၁ သန်း ရှိခဲ့ပြီး ယခင် ရာသီကထက် ဝ ဒသမ ဝ၆ ရာခိုင်နှုန်း မြင့်တက်ခဲ့ကြောင်း စိုက်ပျိုးရေးနှင့် စီးပွားရေးဌာနက ထုတ်ပြန်ခဲ့သည်။

၂ဝ၁၃-၁၄ ခုနှစ် စိုက်ပျိုးရာသီအတွင်း က ဆန်စပါးထွက်ရှိမှု ကျဆင်းခဲ့ရသည့် အကြောင်းရင်းများတွင် ဆည်ရေသောက် စနစ်ဖြင့် စိုက်ပျိုးရသည့်နေရာများတွင် ရေပြတ်လပ်မည်စိုးသဖြင့် လယ်သမားများကို အစိုးရက သတိပေးခဲ့ခြင်း၊ ဆန်စပါးဈေးနှုန်း ကျဆင်းခဲ့ခြင်း များကြောင့် လယ်သမားများသည် အခြားသီးနှံ များကို စိုက်ပျိုးခဲ့ကြခြင်း ဖြစ်သည်။

၂ဝ၁၃ နှင့် ၂ဝ၁၄ ခုနှစ်များတွင် ကမ္ဘာ့ဆန်တင်ပို့မှု အများဆုံးနိုင်ငံဖြစ်ခဲ့သည့် အိန္ဒိယနိုင်ငံသည် ယခု ၂ဝ၁၅ ခုနှစ်တွင် ဆန်တန်ချိန် ရှစ်သန်းကျော်သာ တင်ပို့ထားနိုင်ကာ ဒုတိယနေရာသို့ ပြန်လည်ရောက်ရှိ လာခဲ့သည်။

ဗီယက်နမ်နိုင်ငံ၏ ဆန်တင်ပို့မှုသည် ပုံမှန်အနေအထားဖြင့် တည်ငြိမ်နေကာ ကမ္ဘာ့အဆင့် သုံးနေရာတွင်သာ ဆက်လက်ရပ်တည်နေခြင်း
ဖြစ်သည်။ တင်ပို့မှု ပမာဏအားဖြင့် ၂ဝ၁၃ ခုနှစ်တွင် ၆ ဒသမ ၉ သန်း ကျော်နှင့် ၂ဝ၁၄ ခုနှစ်တွင် ၆ ဒသမ ၇ သန်းကျော် တင်ပို့ထားနိုင်ကာ ယခု ၂ဝ၁၅ ခုနှစ်တွင် ၆ ဒသမ ၇ သန်း တင်ပို့ ထားနိုင်ပြီး ဖြစ်နေသည်။

ကမ္ဘာ့ဆန်တင်ပို့မှု အများဆုံး အဆင့် လေးနေရာတွင်သာ ဆက်တိုက် ရပ်တည်နေသည့် ပါကစ္စတန် က လည်း ယခု ၂ဝ၁၅ ခုနှစ်တွင် ၂ဝ၁၃ ခုနှစ် တင်ပို့မှုအောက်သို့ ကျဆင်းလာလျက် ရှိသည်။ ပါကစ္စတန်နိုင်ငံ ၏ ဆန်တင်ပို့မှုသည် ၂ဝ၁၃ ခုနှစ်တွင် ၄ ဒသမ ၂ သန်းကျော် တင်ပို့နိုင်ခဲ့သော်လည်း ယခု ၂ဝ၁၅ ခုနှစ် တွင် ၃ ဒသမ ၈ သန်းကျော်သာ တင်ပို့ထားနိုင်သည်။

အမေရိကန်နိုင်ငံသည် ယခု ၂ဝ၁၅ ခုနှစ်တွင် ၂ဝ၁၃ နှင့် ၂ဝ၁၄ ခုနှစ်များထက် တင်ပို့မှုပမာဏ များပြား လာကာ တန်ချိန် ၃ ဒသမ ၂ သန်းကျော် တင်ပို့ထားသည်။