ကိုအာရ်ကျမ်းကို မီးရှို့သည်ဟုဆိုကာ မိန်းကလေး တစ်ဦးအား လူအုပ်လိုက်က သတ်ဖြတ်မှုတွင် လေးဦးကို သေဒဏ်ပေး

.

(ကဘူးလ်)။ ။ အာဖဂန်နစ္စတန်နိုင်ငံတွင် ကိုအာရ်ကျမ်းကို မီးရှို့သည်ဟု မှားယွင်းစွပ်စွဲကာ အမျိုးသမီး တစ်ဦးအား လူအုပ်စုလိုက် ဝိုင်းဝန်း သတ်ဖြတ်မှုတွင် လေးဦးကို သေဒဏ် ပြစ်ဒဏ်ချမှတ်လိုက်သည်။

အသက် ၂၈ နှစ်ရှိ ဖာခန်ဒါသည် ကိုအာရ်ကျမ်းကို မီးရှို့သည်ဟု စွပ်စွဲခံခဲ့ရခြင်း ဖြစ်သော်လည်း မျက်မြင်များက သူက ထိုသို့မလုပ်ခဲ့ကြောင်း ပြောဆိုကြသည်။

ယင်းသို့ ဖာခန်ဒါအား သတ်ဖြတ်မှုတွင် အခြားလူရှစ်ဦးကိုလည်း ထောင်ဒဏ် ၁၆ နှစ်ချမှတ်ခဲ့ပြီး အခြား ၁၈ ဦးက အပြစ်မရှိကြောင်း ဆုံးဖြတ်ခဲ့သည်။

ဖာခန်ဒါအား လူအုပ်လိုက် ဝိုင်းဝန်းသတ်ဖြတ်မှု ဖြစ်ခဲ့ပြီးနောက်ပိုင်းတွင် နိုင်ငံတွင်း အမျိုးသမီးများအား နိုင်ထက်ပြုကျင့်နှိပ်စက်မှုများအပေါ် ဆန့်ကျင်သည့် ဆန္ဒပြမှုများ အနှံ့အပြားဖြစ်ပွားခဲ့သည်။

ထိုသို့ လူအုပ်လိုက် သတ်ဖြတ်မှုတွင် ရဲဝန်ထမ်း ၁၉ ဦးက တားမြစ်ခြင်းမရှိ တာဝန်ပျက်ကွက်သည်ဟုဆိုကာ အပြစ်ပေး အရေးယူဖို့လည်းရှိပြီး လာမည့် တနင်္ဂနွေနေ့တွင် ဆုံးဖြတ်ချက်ချမှတ်ဖွယ် ရှိသည်။

REF : BBC